Estado do Amazonas, Brasil

Na Galipedia, a wikipedia en galego.

Estado do Amazonas

Capital:	Manaus
Área total:	1.577.820,2 km²
Poboación:	2.817.252 habitantes (Censo 2000)
Hora:	GMT-4 (en case todo o estado), inclusive Manaus; GMT-5 (a oeste da liña que parte da cidade de Tabatinga e vai ata Porto Acre, AC)
ISO 3166-2:	BR-AM
Estado do Amazonas, no Brasil

O Amazonas é un estado brasileiro localizado no oeste da rexión Norte. Ten como límites: Venezuela e Roraima ao norte; Pará ao este, Mato Groso ao sueste, Rondônia ao sur, Acre a suroeste, Perú a oeste e Colombia a noroeste. Ocupa unha superfície de 1.577.820,2km². A súa capital é a cidade de Manaus. Entre as cidades máis importantes atópanse: Manaus, Manacapuru, Tefé, Parintins e Itacoatiara.

A vexetación predominante no estado é o Bosque Amazónico, famoso por súa gran biodiversidade. O clima é ecuatorial, quente e húmido, con chuvias moi intensas.

Máis aló da explotación vexetal, son tamén moi importantes para a economía do estado as industrias da Zona Franca de Manaus, principalmente de equipamentos electrónicos: televisores, DVDs, etc. Os grandes ríos, como o Amazonas, o Solimões, o Negro, o Purus e o Madeira son importantes vías de transporte no estado, pero tamén hai estradas, como a BR-174 que liga Manaus ao litoral da Venezuela, pasando polo estado brasileiro de Roraima.

A bandeira foi adoptada por Lei nº 1513 de 14 de xaneiro de 1982. As 25 estrelas no canto esquerdo superior representan os 25 municipios en que se dividía o estado o 4 de agosto de 1897. A estrela maior representa a capital, Manaus. As dúas faixas brancas na horizontal representan esperanza e a faixa vermella, as dificuldades superadas.