Dominio público
Na Galipedia, a wikipedia en galego.
Por dominio público enténdese o conxunto de bens e dereitos de titularidade pública non posuídos de xeito privativo. Un exemplo é o consistente no espazo radioeléctrico, as augas terrestres, as continentais,...
Outros ordenamentos xurídicos consideran que o dominio público está formado polos bens de titularidade comunitaria. Así, as comunidades de regantes, de pastos, de bosques...
Ademais, estase atopando dun tempo a esta parte que por Dominio Público enténdese aquilo que carece que dono. Esta acepción non é axeitada: o que non ten dono chámase Res nullius, 'cousa de ninguén', pero non dominio público porque se non ten dono pode ser apropiado por calquera.
Non obstante, o sentido que se lle da a Dominio Público na Licencia de Documentación Libre GNU é o de algo que calquera pode usar, sen poder converterse no dono, pois a propiedade corresponde á Humanidade de xeito incorporado.
Tamén neste senso, os textos son de dominio público pasados 50 anos do fenecemento do autor, en concordancia co Convenio de Berna, aínda que o dito convenio recoñece o dereito ós países signatarios a ampliar o prazo da protección (en España é de 70 anos).
Dominio público nestes casos adoita abreviarse como PD ('Public Domain').
