Casa Batlló
Na Galipedia, a wikipedia en galego.
Obra feita por Gaudí no Paseig de Gracia barcelonés, na coñecida por aquel entonces coma “a mazá da discordia” dende 1904 ata 1906. Foi unha reforma dun inmoble xa feito e baixo o encargo do empresario Joseph Batlló i Casanovas, pertencente a unha das máis importantes familias traballadoras no textil da Barcelona. O deseño deste edificio adicado a residencias foi concebido nun momento especial para o arquitecto, un intre no que Gaudí alexouse do termo Modernista xa que a Igrexa Católica rechazouno e isto era moi importante para el. Dise que Gaudí por aquel tempo só quería ser Gaudí.
A Casa Batlló non só é un logro da arquitectura senon tamén das relevantes obras de artesanía que hai no seu interior. Feita a partires dunha estrutura xa existente, só conserva dela os muros de carga. O colorido e a imaxinación do arquitecto atópanse por tóda-las partes, dende a súa orixinal fachada ata a sinuosa cuberta simulante dunha pel de peixe, dende a ampla escaleira de veciños ata os balcóns de ferro forxado, toda unha xuntanza de increibeis pormenores, na que tanto destaca o seu exterior coma o seu interior.
A Casa Batlló foi feita nun momento dunha gran madurez do arquitecto. Nela pódense atopar recoñecibeis rasgos da súa obra, como a ausencia de liñas rectas na fachada, aínda que sempre garda unha simetría, ou o uso da técnica do trecandís. Unha vez máis pódense ver as grandes aplicacións que fai da cor, como no Parque Güell, ou como o dominio estrutural xa ensaiado noutras obras do pasado.
É, sen dúbida, unha das súas obras máis afamadas e recoñecibeis do arquitecto catalán, unha obra que non deixa indiferente a ninguén e imprescindibel para intentar achar e comprender a súa complexa e singular personalidade
