Cáucaso
Na Galipedia, a wikipedia en galego.
- Este artigo trata sobre a rexión xeográfica do Cáucaso. Para a cordilleira vexa Cáucaso
A rexión do Cáucaso atópase en Asia occidental, entre o mar Negro e o mar Caspio. Hoxe compoñen esta rexión as repúblicas independentes de Xeorxia, Armenia e Acerbaixán, con Rusia ó norte e Turquía e Irán ó sur. Nembargantes, son numerosas as nacións que viven dentro destes estados, moitas delas en territorios con grandes autogobernos, noutros casos con azos de alcanza-la independencia, o que fai desta rexión un punto quente de violencia a nivel mundial.
A cordilleira do Cáucaso na que se asentan Xeorxia, Acerbaixán e Armenia a cotío é chamada Transcaucasia; hai maior intrincamento lingüístico e cultural na zona norte dependente da Federación rusa.
A parte dos mencionados países, existen estoutras nacións non independentes:
- Alania (Osetia do norte)
- Osetia do sur
- Calmuquia
- Carachai-Circasia
- Cabardino-Balcaria
- Alto Karabakh (Nagorno Karabakh)
- Ingushetia
- Chechenia
- Daguestán
Asemade existen numerosas minorías entre as que se poden incluir: cumuquios, avaros, tátaros, bielorrusos, alemáns, ucranianos, e por suposto rusos, que son unha importante minoría en todas estas repúblicas ex-soviéticas. No sur, sobre todo en Armenia, hai importantes grupos de presión turcomanos, iranianos, curdos e árabes.