Atlanta, Xeorxia
Na Galipedia, a wikipedia en galego.
Atlanta é a capital e cidade máis grande do estado de Xeorxia, Estados Unidos. É a capital do condado de Fulton, aínda que unha parte da cidade, anexionada en 1909, está no condado de DeKalb e o aeroporto está no condado de Clayton. En 2003 tiña 425.000 habitantes e coa área metropolitana 4.708.297.
[editar] Linguas
89'2% inglés, 5'9% castelán, 1'2% francés, 0'4% alemán, 0'4% chinés, 0'4% vietnamita.
[editar] Historia
O territorio da cidade de Atlanta estivo habitado polos creek e cherokee antes da chegada dos europeos. O goberno estadounidense deportou as comunidades indias a Oklahoma e o asentamento de brancos na área aumentou rapidamente e en 1845 deuselle o actual nome.
Durante a Guerra Civil Americana, Atlanta foi o escenario de varias batallas e o 1 de setembro de 1864 o exército sudista deixou a cidade e destruíron os edificios públicos despois dun asedio nordista de catro meses, o xeneral nordista William Sherman ordenou a evacuación dos civís o 7 de setembro e o 11 de novembro queimou a cidade.
Despois da guerra reconstruíuse a cidade, converténdose nun centro comercial e industrial. En 1996 celebráronse en Atlanta os Xogos Olímpicos de Verán.
