Gipuzkoako kostaldea
Wikipedia(e)tik
Gipuzkoako kostak gorabehera handiak ditu eta orokorrean hegiak handiaak dira. Hondartza txikiak eta harritsuak daude Bizkaiko mugatik Zumaiararte eta hortik aurrera geroz eta luzeagoak diren hondartzak. Ibai ezberdinen itsasoratzetan estuario txikiak sortzen dira (Oria), eta beste batzuetan itsasadarrak (Urumea, Bidasoa).
Eduki-taula |
[aldatu] Mutrikutik Zarautzera
Gipuzkoako mendebaldeko kostaldea Saturraran hondartzan hasten da, Mutrikun. Mutrikutik Zarautzera oso kostalde labartsua da eta hondartza gutxirekin. Mutriku edo Getaria bezalako herriek erlieberaren ideia orokorra ematen dute. Deba eta Zumaiako kosta ere berdina da, baina herriak lauagoak dira erreken itsasoratzea dela eta (Deba eta Urola).
Getarian Getariako sagua dago, harrizko penintsula txiki bat.
Eskualde honetan flyscha agertzen da, harrizko egitura laminar sedimentario bat. Horregatik mundu osoan ezaguna ere egin da.
[aldatu] Zarautzetik Donostiara
Zarautzetik Donostiara ingurune leunagoa da, hasiera batean, eta gero berriro ere aldapatsua egiten da. Zarautz eta Orioko inguruan Oria ibaia itsasoratzen da eta Zarauzko hondartza Bizkaiko Golkoko luzeena da (2,8 km). Donostiarantza joanez Igeldo mendia dago.
Donostian berriro ere lauagoa bilakatu eta Urumea ibaiaren itsasoratzeak bi irla zituen badia bat (Santa Klara eta Urgull) irla bakarreko eta hiru hondartzako gunea bilakatzea ekarri zuen. Kontxa, Ondarreta eta Zurriola hondartzak daude bertan.
[aldatu] Donostiatik Hondarribira
Donostiatik Hondarribira kostaldea mendi batez osatua dago. Ulia eta Jaizkibel mendiak Pasaiako badiak baino ez ditu eteten eta hemen erliebea oso gorabeheratsua da. Jaizkibelek ez du baimentzen inguruko herriak kostaldean egotea eta Hondarribi da zuzenean itsasoarekin aurrez aurre dagoen bakarra. Bidasoa ibaiaren itsasoratzean Irun eta Hondarribia laugoak izatea dakar eta azken honetan hondartza dago.
[aldatu] Hondartzak
Gipuzkoak hondartza gutxi baina handiak ditu. Turismoaren aldetik garrantzitsuenak Donostiako hiru hondartzak, Zarautzekoa eta Itzurun dira.
Gipuzkoako Hondartzak | ||
---|---|---|
Antilla • Deba • Gaztetape • Hondarribia • Itzurun • Kontxa • Malkorbe • Ondarbeltz • Ondarreta • Oribarzar • Puerto • Uhartekoa • Santiago • Saturraran • Zarautz • Zurriola |
[aldatu] Kanpo loturak
[aldatu] Ikus, gainera
Artikulu hau Euskal Herriko geografiari buruzko zirriborroa da. Wikipedia lagun dezakezu edukia osatuz. |