Ekuatore Ginea
Wikipedia(e)tik
Ekuatore Ginea (izen ofizialak República de Guinea Ecuatorial eta République de la Guinée Équatoriale) Afrikako erdialdean dagoen herrialde txikia da.
Mugakideak hauexek ditu: Kamerun iparraldean, Gabon hego eta ekialdean eta Ozeano Atlantikoa mendebaldean, Sao Tome eta Principe uharteak haren hego-mendebaldean egonda.
Azalera 28.051 km2-koa dauka eta 2004an 523.051 biztanle zituen. Hiriburua eta hiri nagusia Malabo da (90.000 bat biztanle). Bigarren hiririk handiena Bata da (70.000 biztanle inguru).
Txanpon ofiziala frankoa da.
Eduki-taula |
[aldatu] Banaketa administratiboa
Ekuatore Ginea 7 probintziatan banatuta dago, 3 uharteetakoak (Annobon, Ipar Bioko eta Hego Bioko) eta beste 4ak kontinentekoak (Erdi-Hegoaldea, Kie Ntem, Kostaldea eta Wele Nzas).
[aldatu] Historia
Fernando Poo esploratzaile portugaldarra Bioko uhartera iritsi zen 1471n, "Flor Formosa" izena emanez. Irla hau eta Annobongoa Portugalen menpe egon ziren 1778 arte, Espainiako agintarien eskuetara igaroz. Manuel Iradier gasteiztarrak 1875ean 1884an espedizio bana egin zuen kontinenteko lurraldeetan ("País del Muni").
1926 eta 1959 bitartean herrialdeak "Guinea Española" izena hartu zuen.
1968ko urriaren 12an independentzia lortu zuen lurraldeak, República de Guinea Ecuatorial izena hartuz.
1970etik 1979 arte Francisco Macías Nguema diktadoreak agindu zuen Ginean. Urte hartan bere loba Teodoro Obiang Nguema-k hartu zuen boterea bortizki, gaur egun arte haren diktadura luzatuz.
[aldatu] Hizkuntzak
Mintzaira ofizialak espainiera eta frantsesa dira. Beste hizkuntza hauek egiten dituzte ginearrek: Fang, bubi, annobonera, combe eta Pidgin English.
