Vegetarano
El Vikipedio
Vegetarano estas iu, kiu laŭ sia principo ne manĝas ion ajn faritan el animalo. Vegetalano (aŭ vegano) estas tipo de vegetarano kiu ne manĝas ion ajn de animala deveno, inkluzive lakton, fromaĝon, ovojn aŭ aliajn laktaĵojn. Vidu ankaŭ vegetarismo.
Do ne: viandon, fiŝojn, salikokojn, mitulojn, birdaĵon (kokojn) aŭ aliajn viandaĵojn, ekz. viandhakitaĵon, kolbason, k.t.p.
Oni jes manĝas: legomojn, terpomojn, tomatojn, nuksojn, fungojn, ĉampinjonojn, rizon, fruktojn, grenon kaj grenproduktojn, k.t.p.
Supoj, saŭcoj k.a. do ne estu infuzitaj el viando, kokaĵo, aŭ io tia, sed jes el legomoj. Baki aŭ rosti nutraĵon nur en pure vegetala oleo aŭ margarino, sed ne en krembutero aŭ aliaj animalaj grasoj.
Vegetarano. Jam de 1908 la „Unuiĝo de E-istaj Vegetaranoj“ eldonis specialajn cirkulerojn, kiuj fine fariĝis V., eld. de O. Bünemann en Milano. Pro la mondmilito povis nur ankoraŭ aperi 1-a n-ro de sept.-nov. 1914 en Milano kaj oni transdonis la red. al f-ino van Rees en Utreht. De okt. 1920 O. B. - tiam en Hamburg - reprenis la red. kaj eld. Ĝi regule aperis ĝis 1925 kaj en 1926 (IXa jaro) estis enpresata en „Libero“ Sofia). De jan. 1927 - apr. 1933 O. B. denove prenis sur sin la eld. kaj poste donis ĝin al Jonescu Capatana en Bucuresti, 4-8 p. 29x23. P. TARNOW.
