Novaj religioj de Japanio

El Vikipedio

Eble 15 procentoj da homoj en Japanio estas anoj de la novaj religioj. Tamen multaj japanoj estas samtempe anoj de pluraj religioj.

La "novaj religioj" estas pli ol kvarcent religioj, kiuj ekestis post la jaro 1800. Multaj estas "sinkretismaj", kio signifas ke ili povas miksi elementojn de Ŝintoismo, Budhismo, Konfuceismo, Taoismo, la Bahaa Kredo kaj Kristanismo kaj ankaŭ okcidentaj ideologioj kiel, ekzemple, komunismo. Multaj novaj religioj estas fonditaj de virino, kies anoj havas grandan influon el la movado. La novaj religioj plej ofte havas geografian centron, kiu estas templo, templaro aŭ tuta urbo. La plej grandaj novaj religioj estas Tenrikjo kaj Soka Gakkai.

Aliaj novaj religioj estas:

• Seicho no Ie
• Shinreikyo (Dio-Anima religio)
• Mahikari Kyodan (Religio de Vera Lumo)
• Kiriyama Mikkyo (Ezoteriko de Kiriyama)
• Kofuku no Kagaku (scienco de Gajeco)
• Aleph (antaŭe nomata Aum Shinrikyo)
• Konkokyo
• Oomoto