Noktardeo
El Vikipedio
La noktardeo (Nycticorax nycticorax) el la ardeedoj grandas ĉ. 60 cm, havas malsveltan korpon, malongajn krurojn.
La dorso de la maljunaj birdoj estas verd-nigra, la korposubo estas blanka kun flaveta aŭ griza nuanco. La kaposupro estas nigra, el la nuko etendiĝas poste du aŭ tri blankaj ornamplumoj. La okulo estas ruĝa, la beko dika, la kruro flava (dum kovado karnokolora). Dorso de la junbirdoj estas malpur-bruna kun densa, helflava makulado. La birdidoj ne havas ornampolumojn.
Ili flugas kun retirita kolo, kruro apenaŭ videbla. La noktardeo moviĝas – krom la kovperiodo- nur krepusko, dumtage ĝi kaŝe ripozas en arbusto, sur branĉo kaj ĉe krepusko ekiras por nutraĵo.
Ĝia voĉo estas karakteriza „kvak-kvakk", aŭdebla ĉefe dum krepusko.
Ĝi vivas ĉe abundplantaj riverbordoj, riveraj mort-branĉoj, fiŝlagoj, marĉaj herbejoj. Ĝi nestas proksime al la akvo sur arboj, arbustoj, kolonie. Migrobirdo.
