Louis Pergaud
El Vikipedio
Louis Pergaud (naskiĝis la 22-an de januaro 1882 - mortis la 4-an de aprilo 1915) estis franca romanverkisto, kiu mortis dum la unua mondmilito (lia korpo neniam estis trovita, kelkaj fontoj indikas la mortotagon la 7-an de aprilo).
Li famiĝis per la romano La butonmilito, kiu estis trifoje filmita (1936, 1962, 1994) kaj ankaŭ esperantigita (1991). Ĝi rakontas pri milito inter du grupoj de vilaĝaj knaboj 12-jaraj, kiuj al siaj "milit-kaptitoj" fortranĉadis butonojn de la pantalono, foje eĉ batalis tute nudaj kaj uzis ne tute decajn esprimojn.
[redaktu] Verkoj
- De Goupil à Margot (1910)
- Histoires de bêtes (Historio de bestoj, 1910)
- La Guerre des boutons, roman de ma douzième année (La butonmilito, romano de mia dekdua jaro, 1912)
- Le Roman de Miraut, chien de chasse (La romano de Miraut, ĉashundo, 1913).
[redaktu] En Esperanto aperis
- La butonmilito. Romano de mia dekdua jaro (tr. Roger Bernard, ILTIS 1991, Saarbrücken)
