Konkurenco
El Vikipedio
Konkurenco estas organiza formo de la merkato. La konkurenco permesas ekvilibrigi la prezojn kaj kvantojn da varoj. La konkurenco povas esti perfekta aŭ neperfekta.
[redaktu] Perfekte konkurenca merkato
Perfekte konkurenca merkato havas multajn aĉetantoj kaj vendistojn, tiel, neniu el ili, sole, povas influi la prezon, ĉar iu ne povas izole alteri la ekvilibron de l' merkato. Ne estas registrara interveno en tiu merkato. Estas homogeneco de produktoj, t. e., ne ekzistas kvalitaj diferencoj inter la varoj oferataj de konkurencantoj. Ankaŭ ĉiuj firmoj havas la saman teknologion kaj saman gajnmarĝenon.
En ĉi tia merkato, ne estas barieroj por eniro aŭ eliro de aktoroj, ĉiuj povas aĉeti aŭ vendi libere, kiam ili volas. La merkato estas transparenca, t. e. ciuj informoj pri gajnoj, prezoj, ktp. estas konataj de ĉiuj partoprenantoj. Perfekte konkurenca merkato estu racia, ĉiuj vendistoj serĉas pligrandigi la gajnojn kaj ĉiuj aĉetantoj serĉas pligrandigi sian kontentigon.
Tiu merkato estas movita de t.n. leĝo de ofero kaj demando. Kiam la ofero pligrandiĝas, ĉiuj malpligrandigas la prezojn, kiam la demando pligrandiĝas, ciuj pligrandigas la prezojn.
Kompreneble, ne estas en reala mondo perfekte konkurenca merkato, tiu estas fikcio por faciligi la ekonomikan pensadon.
Realaj merkatoj estas neperfekte konkurencaj, aŭ por ekzistado de oligopoloj aŭ monopolo, aŭ neraciemo, aŭ pro netransparenco, aŭ pro troa influo de ŝtato, ktp.
