Jaroslav Šustr
El Vikipedio
Jaroslav ŠUSTR (1901-1969), ĉeĥo, vendejestro, esperantisto ekde 1917, prezidanto (kaŝe mecenatema) de EK Praha (1931-1959), fondinto de la praga E-biblioteko, delegito kaj ĉefdelegito de UEA (1931-1979), landa peranto de Heroldo de Esperanto (1920-1979). Trifoje li savis la bibliotekon antaŭ pereo (okupacio, politikaj kaŭzoj) kun 1800 volumoj, kaj enmetinte en 1969 sian propran libraron, li starigis bibliotekon kun 4700 volumoj. La kluba estraro atribuis al ĝi honoran titolon "Biblioteko Jaroslav Šustr" (en 1980 jam 6100 volumoj, bedaŭrinde post 1980 daŭre fermita kaj nun en Česká Třebová). Post la likvido de la landa asocio (1952) pro sia daŭra aktiveco landskala celanta malhelpi pereon de la movado, en 1958 li estis tenata 92 tagojn en arestejo de la totalisma reĝimo (kun malpermeso eksidi dum tutaj tagoj) kaj poste devis abdiki la klubgvidadon. Jaroslav Šustr ricevis diplomojn de la eduk-ministerio de Gvatemalo (1953) kaj de Ĉeĥoslovaka Esperanto-Komitato (1965) kaj honoran prezidantecon de EK Praha.
[redaktu] Citaĵo
 |
 |
|
 |
|
||||||||||
|---|---|---|---|---|---|---|---|---|---|---|---|---|---|---|
| Jaroslav ŜUSTR, ĉeĥoslovako, komercisto-detalisto en Praha. Nask. 6 dec. 1901. E-isto de 1917. Partoprenas aktive en prop. de 1921 kiel funkciulo de ĈAE, UEA kaj aliaj organizoj. De 1927 prez. de EK en Praha, de 1932 ĝen. sekr. de ĈAE. Komerca reprezentanto de HDE en Praha. | ||||||||||||||
