Jabber

El Vikipedio

Jabber estas libera, XML-bazita protokolo por babili rete per tujmesaĝilo. Jabber-bazitaj programoj estas instalitaj en miloj da serviloj en la Interreto kaj estas uzataj de milionoj da homoj tutmonde.

La projekton komencis Jeremy Miller en 1998 kaj la unua publikigado okazis en majo, 2000. La plej grava produkto estas jabberd, kiu estas la servila programo al kiu la Jabber-klientoj konektas, kiam la uzanto volas babili. Oni povas krei privatajn Jabber-retojn, ekz. malantaŭ fajromuro, aŭ oni povas ligi la servilon al la tutmonda, publike alirebla Jabber-reto.

Alia grava parto de la Jabber-sistemo estas la tiel nomataj kluzoj (angle: gateways) per kiuj ebligas al la uzantoj konekti ankaŭ al aliaj retoj, kiuj uzas alian protokolon - i.a. AIM, ICQ, MSN Messenger kaj Yahoo! Messenger. Male al klientoj kiel Trillian kaj gaim, kiuj subtenas plurajn protokolojn rekte en la klienta programo, Jabber havas tiun subtenadon je la servila nivelo pere de komunikado per la kluzoj. Por ĉiuj Jabber-uloj eblas registri al tiuj kluzoj, kaj post la registrado ili povas komuniki kun uzantoj de aliaj retoj, kvazaŭ ankaŭ ili estus Jabber-uloj. Tio signifas, ke ĉiuj klientoj, kiuj tuttute subtenas la Jabber-protokolon, povas esti uzataj por konekti al ĉiuj aliaj retoj por kiuj ekzistas kluzoj, sen la uzo de aldona kodo en la kliento.

La Jabber-protokolo, kiu nun estriĝas de la Jabber Software Foundation, estas sendita kiel IETF-skizo sub la nomo XMPP, por ke ĝi iĝu la oficiala normo por tujmesaĝilado. Tamen, ankaŭ SIMPLE, bazita sur la SIP-protokolo, batalas por la sama pozicio.

[redaktu] Jabber-Protokolaj Programaroj

Coccinella
Gaim
Gajim
Google Talk
Meebo.com (krozila servo)
Psi (tujmesaĝilo)

[redaktu] Babilejo

Kelkaj esperantistoj establis ĉambron en la tutmonda Jabber-reto, kie oni povas babili esperante. Konektu per Jabber-kliento al conference.jabber.org, ĉambro esperanto. Legu plie pri tio ĉe 'vidu ankaŭ'.

Se vi nur volas provi la babilejon vi ankaŭ povas provi la testan flaŝklienton ĉe