Fratoj Lumière
El Vikipedio
Kino > Direktoroj > Francio
La francaj fratoj Auguste LUMIÈRE [ogust' lumjer'], 1862-1954 kaj Louis LUMIÈRE [lui' lumjer'], 1864-1948, estis famkonataj pioniroj de la nova arto de kino dum la malfrua 19-a jarcento. Ili kreis aparaton nomita la "Cinématographe" kiu funkciis kiel kamero, filmrevililo, kaj projekciilo, kaj estis sufiĉe malgranda kaj malpeza, por ke unu homo kunportu kaj uzu ĝin.
La 22-an de marto 1895, Louis kaj Auguste prezentas sian unuan filmon, "La eliro de la fabrikejoj Lumière". La 28-an de decembro 1895, ili montris sian filmeton, "Alveno de trajno je [la stacidomo de] La Ciotat", al vidantaro en "Le Grand Café", kafejo en Parizo, kiu onidire estis la unua paginta filmvidantaro. Laŭ onidiro, kelkaj ŝokitaj spektantoj ekkriis kaj forflugis el la ĉambro por eviti la trajnon.
En la komenco ili ne konsciiĝis pri la potencialo de sia inventaĵo. Al interesato pri aĉeto de la patento Auguste LUMIÈRE respondis "Tio havos sukceson pro novemo kaj scivolo dum kelkaj jaroj, kaj fino, tio ne havas estontecon, vi perdos vian monon."
En 1907 ili ankaŭ inventis la unuan teĥnikon por fari koloraj fotoj: la aŭtokromo.
[redaktu] Eksteraj ligiloj
http://www.institut-lumiere.org/francais/films/1seance/accueil.html- http://www.xs4all.nl/~wichm/mythe.html
- http://www.institut-lumiere.org
