İran
İran mıntıqa ra rocawanê (ğerb) qıta Asya dera. Zımey (Şımalê) İrani de Deryaê Xêzar, Ermenıstan, Azerbaycan u Tırkmenıstan; veroc (cenub) de Xelicê Farski; rocawan (ğerb) de Tırkiya u Iraq; rocakewtene (rocvetış, şerq) de Efğanıstan u Pakıstan estê. Paytextê İrani Tehrano u İran 30 eyaletan ra yena pêra (mıteşekkıla). Sistemê idarey Cumhuriyetê İslamio, labelê sistemê iqtısadi sosyalisto.
İklimê İrani vuriyeno. Zımey İrani tênıno (nemın), tım honıko, verocê (cenub) xo zaf germın u huşko. Çoli tey estê, zaf huşkê, zey Dašt-e Kavīr (Deşta Pile), Dašt-e Lūt. Her serre zelzeley gırdi peyda benê. Suka Tehrani zaf raver şiya. Banê xeylê berzi u bınaê ke hetê mımarine de mıkemmel vıraziyaê, estê; bacarê dewizio, paytextê borsao, merkezê iqtısad u siyasetê İranio. (Dewamê cı...)
İncile
İncile (İngilizki: Bible), Hz İsay rê ameya u kıtabê İsewitino. Gorey mısılmanan İncile ameya tehrif kerdiş (vurnayış), ewro İncila heqe werte de çıniya. Çiyo ke nê kıtaban dero, % 80 tarix, şecere u efsane (mitoloci u hêkat)ê. Efsane u hêkatê ke Tewrate de vaciyenê, pêro be kılmiye İncil u Qurane de zi tekrar benê. Çıyo zêdêr, İncile de, Hz İsa mucizeyan mocneno ra: Hz İsa nêweşan keno weş, merdeyan keno gane (cınde), pê yew letey nani ra hezaran ra merduman keno mırd, kerre (kemer) ra awe veceno u taê hedisey tarixi ca gênê.
Hetta bênatey Tewrate u İncile de hetê itıqadi ra ferqo pil çıniyo, coka ekseriya nê her dı kıtaban sey yew kıtabi hesıbiyenê. Labelê bênatey nê kıtaban de zaf ferqi u tezati zi estê; ca-ca tarixi, namey, hedisey yewbinan nêtepeşenê (nêgênê). (Dewamê cı...)
|