Almanya Federale

Wikipediya ra, ensiklopediya xosere

Almanya cae ho merkezê Ewropa dera. Zımey (Şımalê) Almanya de Danimarka; cenub de Austurya u İsviçre; Verasond de Fransa, Belçıka, Hollanda; Verasodir (rocvetış, şerq) de Polanya u Çekıstan estê. Paytextê Almanya Berlino.

Contents 1 Tarix 2 İklim u Suki 3 Nufus 4 İqtisad 5 Çımey

[bıvurne / bınusne] Tarix

Dewleta Almanya eyaletan ra yena piya (mıteşekkıla). 16 eyalet estê. Almanya Federale azawa NATOya, Yewina (Zubiyaena Ewropa), Mıllete Zubiyaene (UN), G8 u G4 ya.

Zubiyaena Almanya sera 1871 inide virajiya. Verêcöy, Duwelê xoyê Padişatine (Qraline) zof biy. Feqet Herve Dınyaê I. u II. de dewleta Almanya kerd vind. Cengê Dınyaê II. de dewleta Almanya biye letey, Almanya Verasodir (şerqi) u Almanya Verasond (ğerbi) nay ro. Serra 1989 inede duwelê Almanya biy zu, amey pêser.

[bıvurne / bınusne] İklim u Suki

İklimê Almanya zof honiko. Hete zımee (vakurê) Almanya serdıno. Seweta Gulf Streami (awa honıke) ra hewaê Almanya zof serdın niyo.

Sukê (Bacarê) Gırs:

• 1. Berlin. Nufuse: 3.391.407.
• 2. Hamburg. Nufuse: 1.736.752.
• 3. Munix. Nufuse: 1.296.537.
• 4. Koln. Nufuse: 975.907.
• 5. Frankfurtê Main. Nufuse: 657,126.

Suka Frankfurt am Main zof rever şiya. Bonê xeylê berz estê, suka dövizyo, paytextê borsao, merkezê iktısade Almanya u Ewropao.

[bıvurne / bınusne] Nufus

Nufusa Almanya 81 milyono. Mordemê xerib 7 Milyon estê. Sarê Zazau u Tırku, Kurdu ra u iye binura ki Almanya de cıwiyenê. İtalyani, Sırbi, Xırwati, Boşnaki, Urusi, Yunani ki estê. Romani (Aşıqi) Sorb u Danimarkan ki rew ra estê, nê şenıkine (eqelliyet) mariyenê. Sorb u Danimarkan wayirê heqa zon u kulturye. Sorbi zafêr verasodire Almanya de cıwiyenê.

Dinê Almanya İsewitine/Xrıstiyanine (itıqatê mıletê Almani Protestan u Katoliko), feqet dino resmi niyo. Taê Mısılmani, Musewi u ateisti zi estê. Zıwano resmi Almankiyo.

[bıvurne / bınusne] İqtisad

İqtısadê Almanya zof qewetina. Ewropa de i dora juyine'dere. Feqet verasodire Almanya zof peyser mendo. Teknolociya Almanya zof be kaliteya. Almanya zof wasıtan (otomobilan) vezena. Volkswagen, Opel, BMW, DaimlerChrysler (Mercedes) Almanya de vırajinê. İdxalatê (eksport) Almanya zofo. Almanya idxalat ra dinya de dora juyine'dera (1.).

[bıvurne / bınusne] Çımey

• Resmi Site ê Almanya

	Dewleti Ewropa
Almanya Federale • Belarus • Bosna-Hersek • Britanya Gırde • Bulgarıstan • Çekıstan • Danimarka • Estonya • Finlanda • Fransa • Hollanda • İrlanda • İspanya • İsveç • İsviçre • İtalya • Litwanya • Letonya • Macarıstan • Makedonya • Norweç • Polonya • Romanya • Portekiz • Rusya (Urusya) • Slovakya • Slovenya • Tırkiya • Ukrayna  • Yunanıstan