Ceuta
Oddi wrth Wicipedia, y gwyddoniadur rhydd.
Mae Ceuta yn diriogaeth Sbaenaidd 19km², rhan o ranbarth Andalucia yn Sbaen, ar arfordir Gogledd Affrica, sy'n wynebu'r Môr Canoldir i'r gogledd ac yn ffinio â Moroco yn y de, poblogaeth 70,000, ynghyd â'r dref o'r un enw sy'n brifddinas iddi (Arabeg Sebta o'r Lladin Septem).
Yn ôl traddodiad ymwelodd Ercwlff (Heracles) ac Odysseus (Ulusses) yma. Roedd yn borthfa filwrol dan y Rhufeiniaid. Fe'i rheolwyd gan Bysantiwm ar ôl hynny ac yna yn 931 fe'i meddianwyd gan reolwyr Umayyad newydd Andalucia. Cipiodd Siâms I o Aragon hi yn 1309 ac yn 1415 fe'i cipwyd gan Portiwgal. Rhwng 1580 a 1640 roedd dan reolaeth Sbaen a Phortiwgal gyda'i gilydd (roedd y ddwy wlad hynny wedi'u huno yn y cyfnod hwnnw). Pan dorrodd Portiwgal allan o'r undeb meddiannodd y Sbaenwyr y diriogaeth.
Treuliodd y marchog Almaenig Jörg von Ehingen tua saith mis yn Ceuta yn 1455-1456 pan fu'r dref gaerog dan warchae gan y Morociaid.
