9

Bloavezhioù: 6 - 7 - 8 - 9 - 10 - 11 - 12
Dekvedoù: -20 -10 - Bloavezhioù 0 - 10 20
Kantvedoù: I^añ kantved kt JK - I^añ kantved - Eil kantved
Milvedoù: I^añ milved - Eil milved - III^e milved

Evit bloaz 9 an deiziadur juluan eo ar bajenn-mañ
Evit ar bloaz -9, gwelet ar bajenn :	-9
Evit an niver 9, gwelet ar bajenn :	9 (niver)
Evit an departamant gall 9, gwelet ar bajenn :	Ariège

Taolenn

Istor : Echuet an Istorioù fulupek gant ar galian Trog Pompeia, anezho ar skridoù latin kentañ o tezrevelliñ istor ar bed.

Sina
- 10 Genver : Diskar a ra Wang Mang an diernelezh Han er galloud abaoe daou gantved ha krouiñ a ra un diernelezh berrbad : an diernelezh Xin (fin e 25).
- Dre zekred an Impalaer eo difennet ober kenwerzh ar sklaved
- Nullet eo perc'henniezh prevez an douaroù gant Wang Mang.
Germania : Trec'h eo ar Penn german Arminius war teir lejion roman Varus en emgann Teutoburg. Dont a ra ar stêr Roen da vezañ ar vevenn nevez etre ar bed latineger hag ar bed germaneger. Kaset eo al lejionoù Legio II Augusta, Legio XX Valeria Victrix, ha Legio XIII Gemina da C'hermania a-benn kemer lec'h al lejion Legio XIX hag ar re all bet freuzet en emgann. Bomm brudet Aogust ("Varus, distro ma lejionoù din !").
Enez Vreizh : Taget an Drinobanted gant ar Gatuvellauned. Preizhet eo Camulodunum ( Colchester hiziv).
Illiria : war-lerc'h flastradeg an emsavadeg e teu ar vro da vezañ ur broviñs roman.
Pannonia (Hungaria hiziv) : Sujet da vat da Roma, dont a ra da vezañ ur broviñs roman.
Roma : Votet al lezenn lex Papia Poppaea a-enep an dud dizimez hag ar c'houbladoù difrouezh a-benn lakaat kreskiñ niver an euredoù.
Diaes e teu stad armerzhel an Impalaeriezh roman da vezañ goude emsavadeg an Danav (6) ha c'hwitadenn Varus. Ret eo soñjal sevel tailhoù nevez : un ugentvedenn war an hêrezhioù hag ur gantvedenn war ar gwerzhioù.
Marcus Ambibulus, prokulor Jude, Samaria hag Edom (9-12).
Harluet eo Ovid da Domis.

Publius Quinctilius Varus, jeneral roman, a greder bezañ en em lazhet da-heul faezhidigezh e arme da-geñver emgann Teutoburg.