Вялікі Каньён
Зьвесткі зь Вікіпэдыі — вольнай энцыкляпэдыі.
Вялікі Каньён (па-ангельску: Grand Canyon) — найвялікшы каньён у сьвеце, знаходзіцца на плато Каларада ў штаце Арызона, ЗША. Прарэзаны ракой Каларада ў тоўшчы вапнякоў, сланцаў і пескавікоў. Час узьнікненьня вызначаецца прыкладна 10 млн. гадоў. Даўжыня каньёна 446 км. Шырыня ад 6 да 29 км, на ўзроўні дна каля кілямэтар. Глыбіня — да 1.600 мэтраў.
Зьмест |
[рэдагаваць] Геалогія
Першапачаткова, рака Каларада цякла па раўніне, але ў выніку тэктанічных зрухаў, каля 65 мільёнаў гадоў таму, плато ўзьнялася, зьмяніўся вугал нахіла, і хуткасьць ракі павялічылася. Спачатку эрозіі падвергліся верхнія вапнякі, потым рака ўзялася і за болей глыбокія старажытныя пескавікі і сланцы. Нават зараз каньён павялічваецца з-за эрозіі якая цягнецца далей.
[рэдагаваць] Асваеньне чалавекам
Індзейцы ведалі аб каньёне тысячы гадоў таму. Да першых прыкмет жыцьця людзей у каньёне адносяць наскальныя малюнкі, якія заставілі індзейцы 3.000 гадоў таму.
У 1540 годзе Вялікі Каньён быў выкрыты групай гішпанскіх жаўнераў, пад кіраўніцтвам Гарсіі Лопеса дэ Кардэнаса, якія вандравалі ў пошуках золата. З таго часу, каньён не наведваўся эўрапейцамі болей 2 стагодзьдзяў.
У 1776 годзе, два гішпанскіх сьвятара, у суправаджэньні жаўнераў, на шляху з Санта-Фэ ў Каліфорнію вандравалі ўздоўж Вялікага Каньёна.
Першая навуковая экспэдыцыя, узначаленая вэтэранам Грамадзянскай вайны і прафэсарам унівэрсытэта Джонам Уізьлі Паўэлам, была праведзена ў 1869 годзе. Паўэл дасьледаваў і апісаў каньён.
У 1903 годзе, каньён наведаў прэзыдэнт ЗША Тэадор Рузьвельт, ён жа абвясьціў яго нацыянальным помнікам у 1909 годзе.
[рэдагаваць] Турызм
Штогод Вялікі Каньён наведваюць мільёны турыстаў. Праводзяцца самалётныя і верталётныя экскурсіі. Па каньёну пракладзена вялікая колькасьць пешаходных сьцежак. Існуе і водны турызм. Адчынены музэй, прысьвечаны каньёну.
[рэдагаваць] Вонкавыя спасылкі
Вялікі Каньён — сховішча мультымэдыйных матэрыялаў