Артур Мілер

Зьвесткі зь Вікіпэдыі — вольнай энцыкляпэдыі.

Артур Эшэр Мілер (па-ангельску Arthur Asher Miller, 17 кастрычніка, 1915 - 10 лютага, 2005) — вядомы амэрыканскі драматург 20-га стагодзьдзя. Нарадзіўся ў Нью-Ёрку. Найбольш вядомыя ягоныя п'есы "Сьмерць каміваяджэра" (Death of a Salesman) і "Салемскія ведзьмы" (The Crucible). Артур Мілер лічыцца найбольш уплывовым драматургам 20-га стагодзьдзя ў Амэрыцы. Таксама вядомы тым, што яго жонкай была Мэрылін Манро.

[рэдагаваць] Біяграфія

Артур Мілер нарадзіўся і гадаваўся у Нью-Ёрку ў сям'і габрэйскіх імігрантаў, якія паходзілі з Польшчы. Сям'я жыла ў дарагой кватэры на Мангэтане каля Цэнтральнага парку, пакуль бацька не страціў грошы падчас Вялікай амэрыканскай дэпрэсіі.

Мілер скончыў Мічыганскі ўнівэрсытэт у спэцыяльнасьці журналістыка. Пачаў пісаць п'есы яшчэ ва ўнівэрсытэце. У 1949 годзе за п'есу "Сьмерць каміваяджэра" атрымаў прэмію Пуліцэра і іншыя прэстыжныя ўзнагароды. У 1953 годзе выдаў п'есу "Салемскія ведзьмы", якая таксама набыла вялікую папулярнасьць, у тым ліку на Брадвэі.

У 1956 годзе пабраўся шлюбам з Мэрылін Манро (гэта быў ягоны другі шлюб). Разьвяліся яны ў 1961 годзе.

Таксама ў 1956 годзе Артур Мілер быў выкліканы на слуханьні ў Кангрэс ЗША і абінавачваўся ў сувязях з камуністычнай партыяй. Ён падаў апэляцыю, і ў 1958 яна была задаволеная - зь яго зьнялі падазрэньні.

Памёр ва ўзросьце 89 гадоў ў мястэчку Роксбуры, штат Канэкцікат, з прычыны спыненьня сэрца.

[рэдагаваць] П'есы

• 1936 Honors at Dawn (Ушанаваньне на золку)
• 1944 The Man Who Had All the Luck (Чалавек, які меў поўную ўдачу)
• 1947 All My Sons (Усе мае сыны)
• 1949 Death of a Salesman (Сьмерць каміваяджэра)
• 1953 The Crucible (Салемскія ведзьмы)
• 1955 A Memory of Two Mondays (Успамін пра два панядзелкі)
• 1955 A View from the Bridge (Від з маста)
• 1964 After the Fall (Пасьля падзеньня)
• 1965 Incident at Vichy (Інцыдэнт у Вічы)
• 1968 The Price (Цана)
• 1972 The Creation of the World and Other Business (Стварэньне сьвету і іншыя справы)
• 1977 The Archbishop's Ceiling (Столя ацыбіскупа)
• 1981 The American Clock (Амэрыканскі гадзіньнік)
• 1982 Elegy For a Lady (Элегія для лэдзі)
• 1982 Some Kind of Love Story (Нейкая любоўная гісторыя)
• 1986 Danger: Memory! (Небясьпека: Памяць!)
• 1991 The Ride Down Mt. Morgan (Прагулка ўніз з гары Моргана)
• 1993 The Last Yankee (Апошні янкі)
• 1994 Broken Glass (Разьбітае шкло)
• 1998 Mr. Peters' Connections (Сувязі містэра Пітэрса)
• 2004 Resurrection Blues (Журбота ўваскрасае)
• 2004 Finishing the Picture (Сканчваючы малюнак)