Černobylis
Straipsnis iš Wikipedia.
Černobylis (ukr. Чорнобиль, rus. Чернобыль) — miests šiaurės Ukrainuo, Kijevo sritie, 90 km ī šiaurē no Kijevo, 15 km no seinos so Baltarosija. Černobylis bovo svarbus rīšiu, prekībs ė komėrcijos cėntras, īpač XIX a. Ož 14,5 km no mėsto bovo pastatīta Černobylio atomėnė elektrėnė. Miests išgarsiejo, kai dėl operatoriu klaiduos ė trūkomu RBMK tėpo reaktoriaus konstrukcijuo 1986 m. balondžio 26 d. 01:23 veitėniu laiko īvīko dėdžiausia pasaulie atomėnės jėgainės avarėja, toriejosi globalaus masto pasėkmių. Spruogus reaktorioi ė kėlus gaisruou ī aplinka patek radioaktyvios medžiags. Oficialia žovo 56 žmuonės, avarijs metu iš mėsto ė apylinkių bovo evakouta api 130 tūkst. gyventuoju (skaitont Pripetės ė Opačičių mėstus). Tik apīlinkies gīvenama vėresnio omžiaus žmonių, kuriei netik radiacėja aba nenuor palėkti gėmtuosios žēms. Daba reaktors ī užbetonouts sarkuofage, tačiau Černobylio zona išleikta vėina iš pačių radioaktėviausių veitų visuo Žemie. Apsauguos zona aplink Černobylį ī 30 km spindoliu.
Įvairias skaičiavėmas dėl prėžasčių sosėjusių so katastruofa žovo 10 tūkst. žmonių, dar 3,5 mėlėjono sosėrgo. Dėl radiacėjos, skydliauks vėžīs padažniejo dešimt kartų. Černobylio elektrėnė elėktrą gamėno da 14 metų — ėki 2000 m.