Viesca
De Uiquipedia
Una viesca ye una superficie con gran densidá d'árboles. Cuando la estensión de la viesca ye pequeña suelen emplegase términos como viescu, mata o monte.
Les viesques tópense en toles rexones nes que ye posible'l so crecimientu, hasta l'altitú llamada "la llínea de los árboles" (llínea tope imaxinaria según la cual nun se da el crecimientu, pola mor del fríu o de la escasez d'oxíxenu) y esceptu en zones de baxa pluviosidá o riesgu frecuente d'incendios naturales.
Ye corriente estremar les viesques naturales ( o primaries ) y les artificiales, creaes pola intervención del home. En realidá, na mayoría de los casos esta distinción nun tien munchu sentíu, ya que na práctica córtase madera en cuasi toles viesques. Sólo delles viesques tropicales o boreales siguen siendo naturales.
En xeneral, les viesques tienen un gran númberu d'árboles de diferentes especies y altures combinaos con capes de vexetación baxa, lo que fae una bona distribución de la lluz del sol.
Una viesca, na so forma natural, ye l' hábitat de munches especies animales y vexetales, y el pesu de la so biomasa nun kilómetru cuadráu ye mui altu comparáu con otros ecosistemes.
La viesca cubre'l 30 % de la superficie non inundada de la tierra.
La ciencia que estudia les viesques como esplotación comercial llámase silvicultura.
