Occitania
De Uiquipedia
Occitania ye'l territoriu onde se fala la llingua occitana. Tien unos 15 millones d'habitantes y ocupa la mayor parte del sur de Francia, asina como territorios d'España y Italia. Nel Estáu Italianu, 'Las Valadas' y nel Estáu Español, el valle d'Arán. Son dos perpequeños territorios en comparanza cola totalidá d'Occitania.
Comprende siete rexones históriques, na mayor parte d'elles fálase dalgún dialeutu occitanu: Gascuña y Guyena na fastera occidental; Lemosín y Auvernia nel norte; el Delfináu y Provenzal na zona oriental y Languedoc al sur. Occitania nun tien nenguna entidá política, polo que nun ye posible identifcar la so capitalidá, que disputense Toulouse, Burdeos, Montpellier o Marsella.
Los nacionalistes occitanos tomaren como bandera la de los condes de Toulouse: una cruz mariella en fondo roxu. Esta cruz apaez nes banderes de les rexones de Midi-Pirineos y Languedoc-Rosellón. Alministrativamente, Occitania ta xebrao nes rexones franceses d'Aquitania (esceutu'l País Vascu francés), Midi-Pirineos, Lemosín, Auvernia, Languedoc-Rosellón, Provenza-Alpes-Costa Azul y parte de Ródano-Alpes, Poitou-Charentes y Central.