El Bierzu

De Uiquipedia

El Bierzu
Provincia	Provincia de Llión
Comarca	El Bierzu
Capital	Ponferrada
Superficie	3.000 km2
Población	132.979
Densidá	44,3 hb/km2
Riéu	Sil, Cúa
Conceyos	Elencu de Conceyos

El Bierzu ye la única comarca alministrativa reconocida na Comunidá Autónoma de Castiella y Llión, ta allugada al oeste de la provincia de Llión, ye xunta L'Alfoz la comarca más dinámica del País Llionés, poseyendo abonda autonomía a traviés del Conseyu Comarcal del Bierzu. Hai que siñalar que, amás de la comarca d'El Bierzu, nesta división alministrativa hai conceyos d'outras comarcas que, por decisión propia y democrática, decidiorun facer parte d'esta comarca; ensin perder la súa conciecia de ser culturalmente parte d'outra comarca como nos casos de Benuza (La Cabreira), Páramu de Sil (Altu Sil) ou Peranzais (Fornela).

Xeográficamente ye un pozu ente los Montes Aquilianos y los Montes de Llión, que fai que disfrute d'un microclima de tipu mediterraneu, destaca la súa producción agrícola con dellas denominaciones d'orixen y una gran calidá como nas peras, mazanas, castañas, zreizas ou las vides. Por esta peculiar forma muitos viorun nel nome del Bierzu reminiscencia col sou significáu como cama pa neños; malque la súa procedencia seya del términu Bergidum y apaez por primera vez nos importantes escritos llioneses del monesteriu de San Pedru de Montes en 1243 na forma que güéi conocemos.

Culturalmente ye una tierra de tradiciones llionesas, iguales a las d'outras comarcas vecinas; pero dada la presencia del [gallegu-llionés] en dellos conceyos tamién ye una rexón d'amiestamientu con fortes vínculos pa con Galicia, yá que llinda con ella pol occidente. Poro, el Bierzu tién la peculiaridá de ser una rexón trillingüe, y qu'enxamás viéu tala división como daqué escluyente lo que se pue considerare pola intradivisión tradicional que siñalan las suas comarcas.

Hestóricamente ye una tierra de gran importancia nel reinu de Llión, pero calteniéndose siempres dientro d'él y nun de Galicia, d'onde paecen provenire los repobladores que dende'l sieglu XIII apurriorun la súa llingua, inclusives cuando Vilafranca conviértese en provincia, de curtia duración, nel sieglu XIX, malque nos sieglos modernos yera considerada como tala; siempres ye dientro de la rexón de Llión, al igual que la provincia homónina, Zamora ou Salamanca.

Tabla de conteníos 1 Las comarcas y subcomarcas 2 Conceyos 3 Enllaces esternos 4 Enllaces internos

[editar] Las comarcas y subcomarcas

Atendiendo a las peculiaridaes hestóricas, xeográficas y culturales d'esta gran comarca, compuesta por 37 conceyos, nun se podría dicier que ye una comarca xunitaria, casique podría dicise que ye una rexón dientro del Reinu de Llión.

1. Comarcas: Nel Bierzu tan añidías outras comarcas propiamente ditas por circunstancias hestóricas y tradicionales como son:.
   1. Ancares: los conceyos de Valboa, Candín (considerada la capital de la comarca), y la parte ocidental de Vilafranca y A Veiga de Espiñareda.
   2. Altu Sil: conceyu de Páramu de Sil, hestóricamente lligáu a L.laciana y incluyíu nun enxeme colos Cuatru Val.les.
   3. Benuza, esti conceyu nun ye nenguna comarca pero forma parte de La Cabreira Baxa malque tea incluyíu dientro del Bierzu, por tolos aspeutos nun se puede considerar bercianu sinon cabreirés.
   4. Fornela: conceyu de Peranzais.
2. Subcomarcas:

La división tradicional del Bierzu ta basada n'altitú media de los sous conceyos, y amás dita división ye entendida como tala polos sous habitantes:

1. 1. Altu: conceyos con una altitú superior a 700 metros y la súa capital ye Bembibre.
   2. Baxu: conceyos con una altitú inferior a 700 metros y la súa capital ye Vilafranca.
   3. Valdueza, incluyida nel conceyu de Ponferrada seiría una división subcomarcal tradicional.

Ye importante siñalar qu'esta comarca nun entendiéu de divisiones atendiendo a las llinguas faldas nun conceyu ou outru, dao que las subdivisiones siñaladas enanteriormente incluyen conceyos del dominiu llingúísitu gallegu y astur.

Tamién débese indicar que, anque dacuando se nome a L.laciana y la Cabreira como bercianas, dambas dúas tan estreitamente rellacionadas con outras estayas xeohestóricas de la rexón; poseyendo, amás, una perforte personalidá cultural y d'identidá.

[editar] Conceyos

Nesti elencu siñálanse los conceyos que forman parte de la comarca del Bierzu, ensin atender si son ou non tradicionalmente d'esta ou outra comarca:

• Arganza
• Valboa
• Barxas
• Bembibre
• Benuza
• Berlanga
• Borrés
• Cabanas Raras
• Cacabelos
• Camponaraia
• Candín
• Carracedelo
• Carucedo
• Castropodame
• Congostu
• Corullón
• Cubiellos
• Fabeiro
• Folgosu
• Igüeña
• Molinaseca
• Noceda
• Oencia
• Páramu de Sil
• Peranzais
• Ponferrada
• Priaranza
• A Ponte de Domingos Flórez
• Sancedo
• Sobrado
• Torenu
• Torre
• Trabadelo
• A Veiga de Espiñareda
• A Veiga do Valcarce
• Vilafranca

[editar] Enllaces esternos

Páxina del Conseyu Comarcal del Bierzu
Datos del Bierzu
Institutu d'Estudios bercianos
Diputación de Llión

[editar] Enllaces internos

gallegu-llionés

Comarcas de llingua llionesa
Provincia de Llión: El Bierzu-Cuatru Valles-La Cabreira-Sayambre, Valdión-Argüeyos-Lus Maragatus-La Cepeda-Tierra de la Reina Provincia de Zamora: Senabria-Aliste-Seyagu Provincia de Salamanca: Las Arribes-Sierra de Gata Pertual: Tiêrra de Miranda