País Llionés

De Uiquipedia

País Llïonés
Territoriu ensin reconociencia alministrativa

Capital hestórica

Llión

Superficie

38.476 km²

Población

1.071.046

Xentiliciu

llionés/a

Alministración

Ta integrada na Comunidá Autónoma de Castiella y Llión

Junta de Castilla y León

El País Llionés ye'l nome que-y dan dellos sectores a un territóriu hestóricu que fai parte de la comunidá autónoma Castiella y Lleón, qu'abelluga las autuales provincias de Llión, Zamora y Salamanca. Llenda'l norte col Principáu d'Asturies y Cantabria, al este con Castiella, al sur con Estremadura, y al oeste con Galicia y Pertual. Ta dixebrada en tres provincias:

Llión
Zamora
Salamanca

[editar] Xeografía

El País Llïonés ta asitiáu nel ueste de la Comunidá Autónoma de Castiella y Llión y alministrativamente dixébrase en tres provincias, Llión, Zamora y Salamanca. La cordilleira cantábrica ou "el cordal" facen de fronteira natural col Principáu d'Asturies. Al noroeste alcuéntrase el macizo galaicu, al suroeste llenda con Pertual en raya moyada (ríu Douru) y al sur col sistema central. Los sous ríos importantes que son el Douru, l'Esla, el Tormes, l'Órbigu y el Sil.

[editar] Climatoloxía

Nel País Llionés hai un clima y unas paisaxes estramadas. Nel norte dominan refileiros de cimblos somorguiados en borrina, y n'outonu, iviernu y primaveira n'orbayu. El clima ye de tipu atlánticu. Nel oeste asoman los cumbriales cabreirenses y senabreses, carauterizaos climáticamente pola arbada, los castaneos y los fayeos, asina comu los escobios y recuestos de las fasteiras rayanas con Pertual, que en Seyagu y Las Arribes se carauterizan pola presencia del ríu Douru y un clima con temperaturas máis suaves y mayores precipitaciones que nas redoladas del leste. Nel este del País Llionés tan las parameras de Llión, páramos de turba, llamuerga y champales n'iviernu, las tierras del Pan y del Vinu, cerealistas y d'altu valor agrícola, y la cuenca'l Douru médiu en Zamora y del Tormes en Salamanca. Estas fasteiras son xelebreiras n'iviernu y tan domenadas pola albariella en branu. Al sur, nos conceyos de las fasteiras de la Sierra de Francia y la Sierra de Gata torna'l clima húmidu y montanés.

[editar] Hestoria

Las oríxenes del País Llionés remítense al Reinu d'Asturies, fundáu por Pelayu, qu´algamóu una vitoria decisiva escontra l´invasor árabe en Cuadonga en 711. Ordoño II treslladóu la corte definitivamente dende Uviéu a Llión onde foi aclamáu rei. Con estu créase un nuevu reinu qu'aglutina al asturianu, el Reinu de Llión. Cola formación del nuevu reinu continuará la política conquistadora llegando mesmu a la llucha escontra otros reinos cristianos como'l Reinu de Navarra. El Reinu de Llión espándese pel Dueru y el Sistema Central fasta la autual Estremadura. Durante'l reináu de Ramiro II prodúcense lluchas internas y el conde Fernán González en 929 separta el Condáu de Castiella del Reinu de Llión, lo que orixinará el posterior Reinu de Castiella. Col so espardimientu esparderá la so llingua, el llionés o astur-llionés. Demientras un sieglu, Castiella y Llión siguieron separtaos, poru nel añu 1037 muerre Vermudo III, rei de Llión, nel campu de batalla escontra el sou cuñáu, Fernando I primeiru. Al nun tener fíyos Vermudo III, el sou cuñáu considera que ye'l sucesor y polo tanto xunifica pola primer vegada los dous reinos baxo una mesma corona. A la muerte de Fernando I, el reinu dixébrase outra vez en dellas dúas partes, Llión y Castiella. La llibertá del reinu sométese a dellas duras pruebas cuandu´l rei de Castiella Sanchu II entama una campaña militar escontra los llioneses. La valentía y l´arroxu de Doña Urraca y de los llioneses zamoranos tornóren-y la independencia a Llión. El rei de Castiella muerre nel asaltu, y desti móu escuéyese rei de Llión a Alfonso VI, quien nun sólu caltien el Reinu, sinón que posteriormente someterá Castiella. Nel reináu d' Alfonso VI consolídase'l poder del monarca llionés sobre Castiella, el cual ye reconocíu Emperador de los Reinos Hispanos pol Papa Gregorio VII. Castiella y el Papa nun son quién namás a reconocere la superioridá del rei llïonés, surdiendo asína, l' Imperiu Llionés. A la muerte del sou sucesor, la idega imperialista llionesa entra nun rápido declive y en pocu tiempu estinguiráse, asína tres una etapa d'esplendor imperial la unidá desvanezse, esapaeciendo tamién el títulu d'emperador de Llión. Tres esta desaparición los estados cristianos penínsulares consolidan los sous estáos. El sou fiyu Fernando II hereda Llión, baxo'l so mandatu tórnanse más crudas las griescas nas llendes con Castiella, y Pertual independizóuse. Alfonso IX impulsóu la espansión territorial, poru l´enfrentamientu con Castiella dexóu a Llión fuera de la vitoria cristiana na batalla de Las Navas de Tolosa. En morriendu esti rei, Fernando terceiru xunificaría definitivamente los Reinus de Llión y Castiella, gracias al sofitu de l'Alta Nobleza y l'Altu Cleru llionés que s'imponen a los deseyos d'Alfonsu quien dexóu a las súas fías comu herdeiras.

[editar] Llingua

Nel País Llionés fálanse cuatru llinguas: castellán, llionés, gallegu y portugués. Las comarcas de llingua llionesa son: El Bierzu, L.laciana, La Cabreira,Sayambre, Valdeón, Sayambre, Argüeyos, Los Maragatos, La Cepeda y dellas zonas de Tierra de la Reina na provincia de Llión, Senabria, Aliste y Seyagu en Zamora y Las Arribes y Sierra de Gata en Salamanca. N'El Bierzu más occidental y na redolada de Las Portelas en Senabria fálase'l gallegu, anque mui amecíu cuna llingua llïonesa. En conceyu de La Alamedilla en Salamanca, xunta Bregancia fálase'l pertués.

[editar] Cultura

El País Llionés, integráu en Castiella y Llión tien cultura propia, nomada llïonesa. Ta formada polas tres provincias alminisrtativas Llión, Zamora y Salamanca.

Pola mor de la súa situación ente grandes nacionalidaes hispánicas -Castiella, Galicia y Pertual- la cultura comparte rasgos calterísticos con toas ellas, tamién débese eillu al continu préstamu pente las nacionalidaes hispánicas nel percorrere de la hestoria. Llión apurre al enxeme cultural na Edá Media: las súas lléis, la conformación de Castiella como "entidá opositora", los préstamos llingüísticos al castellán, la formación del estáu pertués, la idega imperial hispánica ou la Universidá de Salamanca. Ente las aportaciones llionesas a la cultura europea destacan el Fueru de Llión, primer vegada que se recueya la inviolabilidá del domicilu, el Fueru de Coria ou la creyación de las Cortes que ye la primer vegada na que los ciudadanos participan nas políticas rexas, 70 años anantias qu'Inglaterra, ou la regulación de la moneda nas cortes de Benavente.

[editar] Comarcas

Provincia de Llión

El Bierzu: Ponferrada Bembibre
Páramu: Santa María
L.laciana: Vil.lablinu
Lus Maragatus: Astorga, Brazuelu, Luciellu, Luyegu, Santa Colomba de Somoza, Santiagomillas y El Val de San Llorenzu.
Babia: Cabrillanes -Vavia de Susu- y Santu Mil.l.anu -Vavia de Yusu-
La Cepeda: Quintana, Villamexil, Magaz, Villaobispu los Oteiros.
La Valduerna
Ribera del Órbigu: Carrizu de la Ribera, Llamas de la Ribera, Benavides del Orbigu]]
La Cabreira: Trueitas, Encinéu, Castriellu de Cabreira, Benuza, A Ponte de Domingu Flórez
La Valdería
Tierra de la Reina
Vega del Esla
La Sobarriba: Valdefresnu de la Sobarriba
Tierra de Campos
Umaña: Murias, Riellu, Valdesamariu
L'Alfoz: Ciudá de Llión, San Andrés, Villaquilambre, Santovenia de la Valdoncina
Tierras de la Bañeza
A Furniella: Pranzanes
Ordás: Santa MAría d'Ordás
Ancares
Valdión: Sotu
Sayambre: Oseya de Sayambre
L.luna: La Madalena (Soto y Amíu), Carrocera, Los Barrios de L.luna, Sena de L.luna
Argüeyos: Cármenes, Santa Colomba, Valdellugueros, Valdepiélagu y Vegaquemada.
Tierras de Coyanza: Coyanza, Villamañán
La Cepeda

Provincia de Zamora

Aliste: Alcañices Tábora
La Carbayeda
La Guarena
Los Valles: Benavente
Senabria: Cobreiros Hermisende La Puebla de Senabria Pedralba de la Pradería Asturianos
Seyagu: Bermiellu de Seyagu Fermoselle Muga de Seyagu Cibanal Lluelmu
Tierra de Campos
Tierra del Pan
Tierra'l Vinu
Toru: Toru
Ciudá de Zamora