Wikipedia:Tutorial/1

Us der alemannische Wikipedia, der freie Dialäkt-Enzyklopedy

	Wikipedia-Tutorial
	zurück | 1 | 2 | 3 | 4 | 5 | 6 | 7 | weiter

Mier fonge ô mit m wichtigscht Merkmal vun nem Wiki: Diä Syte bearbeite. Jedi Wikipedia-Syte het obe in de Leischt un bi jedem Absatz ä Link „bearbeite“. Domit konsch due d Syte bearbeite, wue du grad oguksch. Des isch s Konzept, wue mier Wiki nenne tuen. Jedi un jeder konn alles bearbeite! D Änderunge sin sofort fyr alli sichtbar. Wenn due in nem Artikel ä Fehler findsch, konnsch due denn uf diä Wise sofort usbessre:

Klick uf Syte bearbeite gonz obe om Bildschirmrond, um de gônze Artikel zue bearbeite.
Willst due nuer ä Abschnitt ändre, klicksch uf de Link ändere nebe de entschprechende Yberschrift.
S öffnet sich ä Bearbeitungsfenschter mit Text un Zeichen zuer Formatierung. Des muesch due nit uf Anhieb verstehn – scroll yber d unverschtändliche Schtelle driiber un suech d passendi Schtell im Text, wue due ändre willsch. Schrib dert däzue, was due ergänze willsch.
Gib im Textfeld Zämefassig o, was du gändert hesch – zum Beispiel Tippselfähler. Wenn du de Text erwitert hesch, sottsch dert diä von dier vowendeti Quelle ogebe.

Um ä Gfühl fyr s Bearbeite vun Syte zue bekumme, gibt s d Wikipedia:Spielwiese – wenn da ebbes schief laufe tuet, ischs in Ordnung. Diä Syte öffnesch due jetzert om beschte in nem neije Fänschter oder Tab – des geht in viele Browser mit m Rechtsklick un de entsprechendi Uswahl usm Menü oder mit Strg+Klick bzw. Shift+Klick.

Probier’s mol us! Wenn due jetzert uf de Link „Syte bearbeite“ klicksch, siehsch due de Quelltext vun de „Spielwies“. Dert isch Platz, um sich mit m Graffiti zue verewige, ebbes Lustigsch zue schribe oder eifach nuer um Grüezi z sage.

Witer im Tutorial.