Schweizerische Stiftung für Minenräumung
Us der alemannische Wikipedia, der freie Dialäkt-Enzyklopedy
 |
Dialäkt: Oschtschwiiz |
Diä Schwiizerisch Schtiftig för Miinerüümig (FSD) isch ase nöd-schtaatlächi Organisation 1997 in Gemf gründet wore. D'FSD isch vo dä Schtiftig ZEWO als vertrauenswürdig zärtifiziert wore, und si isch konfessionell, politisch und au anderwiitig neutral. D'FSD lait dä Schwäärpunkt uff eri internationale Miinerüümigsaktione und hebt sich politisch ehner zruck, um di opperationell Arbät nöd z'gfördä.
Inhaltsverzeichnis |
[ändere] Aktivitäte:
- Humanitäri Miinerüümig
- Uusbildig vo Miinerüümer
- Väschideni Vorsichtsmassnaame, damit's nöd zu Uufäll mit Miine oder nödexplodierter Munition cha choo.
- Venichtig vo Miine- und Munitionslaager
[ändere] Organisation:
Im Johr 2005 hend öppä 10 Lüüt im Gemfer Haupsitz gschafft. Im Uusland sind rund 60 internationaali Mitarbeiter vo rund 40 Natione zum Iisatz choo. Diä Expärte sind vo mehrere Hundert nationale Miinerüümer (wo alli vo dr FSD uusbildet wore sind) underschtützt wore.
S'Bütsche för's Joor 2005 hät 18 Millione Schwiizer Franke betreit. S'Geld isch vo öffentlichr Siite wiä au vo private Chreise choo. D'Organisation hät aber au vill diräkt för diä Vereinte Natione, zum Bischpil für s'Welternährigsprogramm, s'Weltentwickligsprogramm und viili anderi UN-Agentuure Miine grüümt. Dänäbet schafft d'FSD au mit em IKRK und mit dä OSCE (Organisation för Zsämmenarbet und Sicherheit in Europa) zäme.
[ändere] Internationals Miinerüümigsprogramm:
Im 2005i hät d'Schtiftig Miinerüümigsaktione ii folgende Länder durägfüert: Sudan, Burundi, Demokratischi Republik Kongo, Angola, Sri Lanka, Tadschikistan und Laos. Vorhär hätt d'FSD aber au scho Miine grüümt in Albaniä, Kroatsiä, Bosniä, Afganischtan, Irak, Pakischtan und dä Filippiinä.
[ändere] Externe Websiite:
http://www.fsd.ch (s'meischt isch uff English, s'git aber au Informatsione uff Französich oder Tütsch).
