Kanada
Us der alemannische Wikipedia, der freie Dialäkt-Enzyklopedy
Chanada isch e Staat in Nordamerika. Mit ere Fläche vo fascht 10.000.000 Quadratkilometer isch es s zweitgröschte Land uf dr Welt. D Bevölkerungszahl isch aber nit so groß, Chanada hätt rund 32.000.000 Iiwohner. Chanada isch langi Zit britischi Kolonie gsie und isch au hüt no Teil vom Commonwealth. Chanada isch e sognennts Commonwealth Realm, also e Monarchie mit dr britische Königi Elisabeth II. als Staatsoberhaupt, verträtte dur e Generalgouverneur.
Amtssproch vu Chanada isch Englisch mit Usnahm vu de Provinze Québec, wo es Französisch isch und Neu-Braunschweig, wo offiziell zöisprachig isch (Französisch und Englisch). Québec het sehr rigorosi Sprochgsetze zum Schutz vu dr französische Sproch. So werre dert au englischi Firmenämme ybersetzt: "PFK" stoht z.B. fer "Poulet Frit Kentucky", was im Rest vu dr Welt KFC (Kentucky Fried Chicken) heisst.
[ändere] Großi Städt
- Ottawa (Hauptstadt)
- Calgary
- Halifax
- Montréal
- Québec
- Toronto
- Vancouver
- Winnipeg
