Europäisches Jugendchorfestival
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Europäischs Jugendkoorfeschtywal« |
 |
Dialäkt: Baseldytsch |
S Europäische Jugendkoorfeschtywal isch e Feschtywal fir jugendligi Keer us Europa. S wird s näggschti Mool im Joor 2007 z Basel schtattfinde, wo au die friehnere Veraaschtaltige in de Joore 1992, 1995, 1998, 2001 und 2004 duuregfiehrt worde sind. S findet kai Wettbewärb oder Kontescht schtatt.
S isch e sehr erfolgryychs Eraignis mit Keer vo heggschtem Nywoo us allne Dail vo Europa. S Feschtywal het regelmässig en ussereuropäische Gaschtkoor wie dr Philadelphia Boys Choir (1992), dr Drakensberg Boys Choir us Syydafrika (1998), und im 2004 het dr Jugendkoor Santa Cecilia us Riversul (im Bundesschtaat São Paulo, Brasylie als Gascht s Feschtywal beryycheret.
Gaschtgäberkoor isch d Knabekantorei Basel; dääne ihre Dirigänt, dr Beat Raaflaub, wirkt au im Vorsitz vom Feschtywal mit.
