Alemannia (Vereinsnamen)

Us der alemannische Wikipedia, der freie Dialäkt-Enzyklopedy

Im 19. Johrhundert un am Afang vum 20schte hän sich verschiidini Verein Alemannia gnännt.
Dä Namme het in däne Fall nyt mit dr Alemanne z due, dä kunnt do här, ass in verschiidene romanische Sproche s Land, wu ditsch gschwätzt wore isch, Alemannia oder ähnlig gnännt wore isch. Zu däm Kurzschluss sin d Romane kumme, wel d Alemanne vu allene Ditschsprochige am nägschte an dr Romania dra gsii sin.
Diä Verein hän sich in irgend einere Art welle zum Ditschtum oder zu dr ditsche Sproch bekänne - zum Biispiil bim Aachener Turn- und Sportverein Alemannia 1900 e.V. - hit bekannt unter Alemannia Achen - het dä Namme solle "dem Deutschtum an der Grenze Ausdruck verleihen". Quälle: [1]
Verschiidini anderi Verein drage dä Namme aü, so zum Biispiil:

• Dr BCO Alemannia Basel, wu 2002 üs eme Zämmeschluss vum BCO Basel (grindet 1919) un em FC Alemannia (grindet 1921) zwäg kumme isch. (BCO = Ballsportclub Olympia)
• Akademische Turnerschaft Alemannia (Alemannia Basel). Diä isch grindet 1819 un isch enni vu dr elteschte vu dr Schwiz.
• Alemannia Zähringen (z Friiburg i.B.) (Kickverein)
• BFC Alemannia 1890 e.V. z Berlin (Kickverein)
• Burschenschaft Alemannia z Friiburg i.B. (grindet 1860); in e Hüffe andere Stedt hets sälbschtändigi Burscheschafte mit em gliche Namme.

Hit dänkt bim Namme Alemannia im Sport niäme meh an Ditschtum oder ditschi Sproch.