Wêreldhandelsentrum
vanuit Wikipedia, die vrye ensiklopedie.
- Die artikel handel oor die voormalige Wêreldhandelsentrum in New York. Vir ander soortgelyke geboue soos die Wêreldhandelsentrum, Kemptonpark gebruik die stadspesifikasie om na die spesifieke artikel te gaan.
Die Wêreldhandelsentrum (Engels: World Trade Center) in New York Stad was 'n kompleks bestaande uit sewe geboue wat deur die Amerikaanse argitek Minoru Yamasaki ontwerp is en onder leiding van Larry Silverstein van die hawemeester van New York en New Jersey rondom die sentrale plaza aan die suidekant van Manhattan in die hartjie van die finansiële distrik gebou. Die kompleks was meestal bekend vanweë sy indrukwekkende Tweelingtorings met 110 verdiepings. Die geboue het 'n bomaanval op 26 Februarie 1993 oorleef. Al die geboue in die kompleks is egter met die terroriste-aanval op 11 September 2001 vernietig. Twee (die Tweelingtorings) het ineengestort (1 en 2) en die ander (3, 4, 5, 6) is tydens die aanval onherstelbaar beskadig. Gebou 7 van die Wêreldhandelsentrum het ook ineengestort.
[wysig] Oorsig
Die torings van die kompleks is deur die Amerikaanse argitek van Japanese afkoms, Minoru Yamasaki, saam met Antonio Brittiochi ontwerp en was een van die treffendste toepassings van die argitektoniese etiek van Le Corbusier asook 'n uitdrukking van Yamasaki se goties-modernistiese neigings. Die Wêreldhandelsentrum is in die vroeë 1970's onder die leiding van die semi-onafhanklike Hawemeester van New York en New Jersey gebou.
