Theodor Mommsen

vanuit Wikipedia, die vrye ensiklopedie.

Christian Matthias Theodor Mommsen (30 November 1817–1 November, 1903) was 'n Duitse leraar in die klassieke werke, en historikus, algemeen beskou as die belangrikste klassikus van die 19e eeu. Sy werk omtrent die Romeinse geskiedenis is vandag nog uiters belangrik vir navorsing oor die onderwerp. Hy het die Nobelprys vir Letterkunde ontvang in 1902, en was 'n vooraanstaande Duitse politikus, as 'n lid van beide die Pruisiese en Duitse parlemente.

Inhoud 1 Kort lewensgeskiedenis 2 Wetenskaplike werke 3 Nobelprysfeite 4 Verwysings 5 Eksterne skakels 6 Bron

[wysig] Kort lewensgeskiedenis

Mommsen is in Garding in Schleswig gebore ('n Duitse staat op die grens tussen Duitsland en Denemarke), en het grootgeword in Bad Oldesloe in dieselfde staat. Hy was eers 'n hoogleraar in geskiedenis aan die Universiteit van Leipzig, het toe lid geword van die Akademie van Wetenskappe in Berlyn in 1858, en daarna hoogleraar in Romeinse geskiedenis aan die Universiteit van Berlyn in 1861.

Hy het talle eerbewyse ontvang vir sy wetenskaplike prestasies: die "Blou Max", Pruise se hoogste militêre eerbewys in 1868; ereburgerskap van Rome; en die Nobelprys, een van weinige non-fiksieskrywers om dié toekenning te verwerf.

[wysig] Wetenskaplike werke

• Die geskiedenis van Rome: Die werk verskyn in drie volumes tussen 1854 en 1856, en dek die Romeinse geskiedenis tot aan die einde van die Romeinse republiek en die heerskappy van Julius Caesar.
• Romeinse grondwetlike reg: (1871-1888)
• Romeinse strafreg (1899), en
• meer as 1 500 verdere werke en verhandelinge oor ander individuele onderwerpe.

[wysig] Nobelprysfeite

Mommsen was beide die oudste persoon om ooit die Letterkundeprys te verower (hy was 85 jaar oud) en ook die die persoon met die vroegste geboortedatum (1817).

[wysig] Verwysings

• Wilhelm Weber, Theodor Mommsen (1929)
• W. Warde Fowler, Theodor Mommsen: sy lewe en werk (1909)
• Mommsen, Theodor: Romeinse verhaal. 8 Volumes. dtv, München 2001. ISBN 3-423-59055-6
• Heuß, Alfred: Theodor Mommsen en die 19e eeu. Kiel 1956; reprinted Stuttgart 1996. ISBN 3-515-06966-6
• Wickert, Lothar: Theodor Mommsen. 4 volumes. Frankfurt/Main, 1959-1980.
• Rebenich, Stefan: Theodor Mommsen: 'n biografie. Beck, München 2002. ISBN 3-406-49295-9

[wysig] Eksterne skakels

• Nobelprys biografie
• 'n Mommsen biografie

[wysig] Bron

Vertaal vanaf die Engelse Wikipedia. Die artikel is Theodor Mommsen.