GNU
vanuit Wikipedia, die vrye ensiklopedie.
GNU is 'n projek van die Stigting vir Vrye Sagteware wat poog om 'n volledige bedryfstelsel te skep wat vrye sagteware is. "GNU" is 'n rekursiewe akroniem vir "GNU's Not Unix". Die stigting is sedert 1983 besig met die GNU-projek.
Alhoewel die GNU-projek baie programme gelewer het, was dit vir jare sonder 'n kern. Mense kon dus die GNU-programme loop op ander bedryfstelsels, maar kon nie 'n volledig vrye bedryfstelsel daarstel nie. Met die koms van Linux, 'n kern wat ook vrye sagteware is, maar nie onder die vaandel van die stigting geskryf is nie, was dit uiteindelik moontlik om 'n volledige bedryfstelsel van vrye sagteware te loop. Hierdie kombinasie word GNU/Linux genoem, alhoewel baie mense slegs van "Linux" praat. Linux is dus nie 'n bedryfstelsel nie, maar slegs 'n bedryfstelselkern.
Die stigting het nie hulle planne vir 'n eie kern laat vaar nie, en is steeds besig met die HURD-projek wat poog om 'n mikrokerngebaseerde kern daar te stel vir die GNU-projek. Dit is egter steeds ver van gereed vir algemene gebruik (in 2005).
Richard Stallman het die GNU projek begin in 1984 met sy program GNU Emacs. Die doel van die projek is om sagteware en programme te skryf en te versprei met die oorspronklikke programerings taal (source code). Dit stel enige iemand instaad om die program te verander en herversprei soos dit hom pas. Die enigste verystes is dat die oorspronklikke skepper genoem moet word en dat die programering taal vrylik beskikbaar is sodat ander dit weer kan verander as hulle will.
