Polipôre di beyôle
Èn årtike di Wikipedia.
Li polipôre di beyôle, c' est on tchampion foirt corant ki n' vént k' so les beyôles k' ont stî coixheyes ou ki sont malådes u flåwes.
| Polipôre di beyôle | ||||||||||||||||
|---|---|---|---|---|---|---|---|---|---|---|---|---|---|---|---|---|
 Piptoporus betulinus (Foto: Jean-Pol Grandmont). |
||||||||||||||||
| Classifiaedje syintifike | ||||||||||||||||
|
[candjî] Discrijhaedje
C' est on tchampion k' a l' cogne d' ene dirompeure ou d' ene crompire. Il est rascovrou d' ene fene pelate di brunåsse coleur. Cwand i crexhe, on direut on spès tchapea, 6 a 20 cm lådje, ki rshonne a on rno. Adon, i lyi vént on fås pî en erî; li boird s' arondi, s' aspexhi e fé on bourlet å dzo. Il a ene tinre blanke tchå ki s' adurit rade, et divni come do bouchon.
[candjî] Eployaedje
C' est on tchampion k' on n' mougne nén. Dins l' timps on s' endè sierveut po rawjhî les lames di raezoe a båbe.
[candjî] Bibliografeye
Tites des lives e francès k' i gn a avou pus di racsegnes so ç' tchampion la:
- Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
- Marcel Bon: Champignons de France et d'Europe occidentale (Flammarion, 2004)
- Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
- Roger Phillips: Les champignons (Solar, 1981) - ISBN 2-263-00640-0
- Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
- G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
- Henri Romagnesi: Petit atlas des champignons (Bordas, 1970) - ISBN 2-04007940-8
