Mwelon
Èn årtike di Wikipedia.
On mwelon, c' est come ene brike di moirtî pressé, sovint vude ådvins, k' on s' sieve dins l' bastimint.
I sont fwait foirt biesmint dins ene fôme, tot-z î colant do moirtî.
Les mwelons ont cmincî a replaecî les brikes et les pires e mwintès plaeces el Walonreye el deujhinme mitan do 20inme sieke, pask' il estént meyeumartchî. Minme si on wåde les meurs difoûtrins e pire, on fwait les inte-deus e mwelons. On pout eto fé des dobes meurs, ene onk di brikes ådfoû, et onk di mwelons ådvins.
Les mwelons sont eto on mwaisse materiô des bidonveyes e Tîce-Monde.
Sorlon li classe di rezistance, li mwelon pout esse pus ou moens vude, pus i pout rezister, pus i va esse pezant.
Les classes di rezistance sont:
- B40: Rezistance disk' a 4 bars
- B60: Rezistance disk' a 6 bars
- B80: Rezistance disk' a 8 bars
- B120: Rezistance disk' a 12 bars
- B160: Rezistance disk' a 16 bars
I gn a eto des mwelons fwaits di tere cûte, ou co di fessaedje, mins i sont bråmint pus råles.
Les mwelons sont metous les onks so les ôtes, eyet aclapés avou ene fene coûtche di moirtî d' a pô près 1,5cm.
Li grandeu des mwelons c' est å pus sovint 20cm hôt, 50cm longs, avou ene sipexheur ki pout varyî, les pus corantes estant 5cm, 10cm, 15cm et 20cm.
