Li Ptite Louwate

Èn årtike di Wikipedia.

Li Ptite Louwate (la-minme Lu Ptite Luwate, F. Louette-Saint-Pierre ), c' est èn ancyin ptit ban del Walonreye rebané avou Djedene, el province di Nameur.

• Limeros del posse :
  • asteure : 5575
  • davance : 6875
• Limero diyalectolodjike :
  • ALW : D 119 .
  • ricweraedjes da Bruneau : Br 20
• Arondixhmint : Dinant
• Hôteur : 356 m
• Sitindowe : 1.492 ha
• Dimanants : 391 (1840) ; 476 (1910) ; 420 (1930)
• Eplaeçmint sol daegn : 49° 58’ 00 N – 4° 56’ 00 E.
• Dicåce : li prumî dimegne di djulete.

Li Ptite Louwate, c' est l' pus vî des deus viyaedjes frés, ki l' ôte, c' est l' Grande Louwate.

Po l' etimolodjeye et les vîs scrijhas, riwaitîz dins l' esplicant motî.

Ådvins 1 No di des plaeces del Pitite Louwate 2 Rilidjon 3 Istwere 3.1 Preyistwere 3.2 Trevéns romins 3.3 Moyinådje 3.4 Trevéns espagnols et otrichyins 3.5 20inme seike 4 L' avey 5 Tuzance walone

[candjî] No di des plaeces del Pitite Louwate

• Bwès Sint-Djan
• A Tchvådos
• Li Fosse ås moirts
• Li voye di Lintchamp

[candjî] Rilidjon

• Eglijhe : du 1840, dicåçtêye a sint Pire.

[candjî] Istwere

[candjî] Preyistwere

Dins l' Bwès Sint-Djan, sol voye di Lintchamp, onz a rtrové des pires drudikes, ki provrént k' i gn aveut des Celes avårla. On pô pus hôt, a Tchvådos, al plaece k' on lome " Fosse ås moirts ", gn avot des tombales do tipe tombes ås cindes di djins, do prumî sieke divant Dj.C.

[candjî] Trevéns romins

Li voye ki va enute di Lintchamp al Pitite Louwate, c' esteut on boket del voye rominne Rinse-Tongue.

[candjî] Moyinådje

Å Moyinådje, li viyaedje passe d' ene måjon nôbe a l' ôte, a l' assulon des arindjmints, des mariaedjes u des pårtixhaedjes.

[candjî] Trevéns espagnols et otrichyins

E 1600, les Grands-Duks Albert et Isabelle avént on grand bwès da zels, co lomé enute "li Ban Nosse-Dame" (Notre-Dame); gn aveut èn ermitaedje djusse dizeu l' tchapele Sint-Djan. Endè dmeure co ene vôsseure.

Li vijhnaedje del France a amoenné bén des måleurs ezès XVIinme et XVIIinme siekes.

[candjî] 20inme seike

Li 23 d' awousse 1914, gn a yeu la ene plouzêye etur les Almands et l' Erire-wåde francesse. Bilan : 9 civils touwés et 38 måjhons griyeyes.

C' est djondant l' ermitaedje kel famile Clarinval di Djedene a dmoré disk' al guere di 1940. Leu måjhon a stî distrûte après l' guere. Asteure, come bastimint, i n' dimeure pus kel tchapele, a ene pixheye del frontire francesse.

[candjî] L' avey

• Li tchapele Sint-Djan
• Sol voye del Croes-Schaye, gn a ene cårire du poudingue.

[candjî] Tuzance walone

• Accint do walon e 20inme sieke : Les doûcès consounes å coron ni s' prononcént nén adureyes : ene gade si prononcive èn gad (nén gat, come cåzu totavå l' Walonreye).