Bolet bén moussî
Èn årtike di Wikipedia.
Li bolet bén moussî est on magnåve tchampion k' on rescontere todi ås pîs des melezes.
| Bolet bén moussî | ||||||||||||||||
|---|---|---|---|---|---|---|---|---|---|---|---|---|---|---|---|---|
 Suillus grevillei (Foto: Jean-Pol Grandmont) |
||||||||||||||||
| Classifiaedje syintifike | ||||||||||||||||
|
[candjî] Discrijhaedje
Tchampion avou on djaene-citron a brun-orandjé tchapea (5 a 10 cm) d' abôrd emisferike, e clotche, convecse et enfin asplani, avou ene glumiante cuticule; des courts tubes di coleur djaene d' ôr et pu brunasses dischindant disk' a sol dizeur di s’ pî. Pî (6-10 X 1-2 cm) cilindrike di coleur blanc-crinme divnant brun-rossea poirtant èn anea blanc-crinme. Il a ene djaene sipesse tchå ki s' tént bén å cmince et pu ki dvént vite mole. Il a ene odeur ki fwait sondjî ås foyes di djeraniom k' ont stî cafougneyes.
I vént al tere dins les bwès micses todi ås pî des melezes (ki l' tchampion vike e simbioze avou, c' est on tchampion micorizike) di l' esté a l' årire-såjhon.
[candjî] Eployaedje
C' est tchampion k' on pout mougnî mais i n' a pont d' consistance et pont d' sawoura.
[candjî] Bibliografeye
Tites des lives e francès k' i gn a avou pus di racsegnes so ç' tchampion la:
- Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
- Marcel Bon: Champignons de France et d'Europe occidentale (Flammarion, 2004)
- Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
- Roger Phillips: Les champignons (Solar, 1981) - ISBN 2-263-00640-0
- Thomas Laessoe, Anna Del Conte: L'Encyclopédie des champignons (Bordas, 1996) - ISBN 2-04-027177-5
- G. Becker, Dr L. Giacomoni, J Nicot, S. Pautot, G. Redeuihl, G. Branchu, D. Hartog, A. Herubel, H. Marxmuller, U. Millot et C. Schaeffner: Le guide des champignons (Reader's Digest, 1982) - ISBN 2-7098-0031-4
- Henri Romagnesi: Petit atlas des champignons (Bordas, 1970) - ISBN 2-04007940-8
