Vlamsche Kust
From Wikipedia
De Vlamsche Kust is 't deel va West-Vloandern da an de Noordzee ligt. Z'is a-peu-près 67 kilometers lank.
Inoud |
[bewerk'n] Toerisme
Uniek an de Vlamsche Kust is het feit da 't ollemoale zandstrand'n zin. In de moand'n juli en ogustus is de kust ton ôok overspoeld mè toerist'n uut binn- e buut'nland. Mor ôok doabuut'n kom'n d'r vele menschen kiek'n nor uus woater, strange en diek'n. 't Gevolg is dat er veel appartementsgebouwen stoan, wa da sommign 'n aanslag viend'n ip de goeie smoake. Moar neffest de bebouwde kom'n zin der ôok nog schône nateurplekken te viend'n: een aantal vôorbeeld'n zin 't Zwin, 'n Ooh'n Blekker, en een aantal dunegebied'n (vôorbeeld tussch'n Nieuwpôort en Ôostduunkerke).
Neffest nateurlike schôoneid eit de Vlamsche Kust nog andere attracties gelik attractieparkn: In Oadinkerke ei je Plopsaland, in Blank'nberge ei je 't Sea Life Centre, en in Ostende ei je Earth Explorer. Der zin ôok twêe subtropische zwemparadizen van Sun Parks (in Ôostduunkerke en D'n Oane), vele jachtoavn's (Blank'nberge, Ostende, Nieuwpôort). In Knokke-Heist keun je golfen. In Ostende, Middelkerke en Blank'nberge ei je ôok 'n Casino.
[bewerk'n] Verkêer
De beste maniere vo je te verplatsen an de Kust is de Kusttram. Trengs komn an in Blank'nberge, De Panne, Ostende en Knokke-Heist.
[bewerk'n] 't Begun
De kust krêeg eur vorme achter een overstromienge in 1404: de Sint-Elisabethsvloed. Bie die catastrofe woar'n d'r verschillige eilandjes in de Schelde weggespoeld en 't land overstroomd. Groaf Jan Zoender Vrêes gaf ipdracht om de bestoande diek'n mè makoar te verbiend'n. En azo ontstoend de diek van Duunkerke toe 't Sas van Gent.
[bewerk'n] Gemêenten
Van nôord noa zuud:
