Zêebrugge
From Wikipedia
Zêebrugge (Nederlands: Zeebrugge) is een dêelgemêente van Brugge.
[bewerk'n] De gemêente
In 1965 teldege Zêebrugge 4.750 inweuners.
Zêebrugge is van in 't begun e vissersoavn gewist en is vandoage de grotst'n van Belgje. In de joarn tsjeventig is Zêebrugge enorm uutgebreid. 't Is nu de twêed'n oavn van Belgje.
[bewerk'n] De zêeoavn
Zêebrugge eit e schôon strange moar is voral e grôte zêeoavn. In 1878 ontwierp ingenieur barong De Maere van Aertrijke e plan vor e kanoal dat Brugge me de zêe moste verbiend'n. In 1895 anveirdege 't parlement da plan. In 1896 begost'n de werk'n die deurdegn toet in 1907. Dr wierd e binnenoavn angeleid in Brugge, e kanoal van 11 kilometers lange, 70 meters brêed, en 8 meters diepe. Dr is ton ôok 'n oavndam angeleid van 2,487 kilometers lank en 50 meters brêed. De sluze in Zêebrugge was 256 meters lank, 20 meters brêed en 9 meters diepe. Binst de twêede weireldoorloge is den oavn verwoest.