Plakwoaier
From Wikipedia
- Dit artikel es geschreevn in 't Kortriks, en da zoe zôo moet'n bluuvn.
Ne plakwaaier of plakwoaier es e sorte van speelgoed daj dikkens wel e kjei kunt ziene an de zjei. Je bestoat eut ne vliegr gemoakt van un licht geroamte met nen doek vô de wind te vang'n. J'eit ôok ne steirt die zorgt vôo de stabiliteit. De plakwoaier es verbonden met den bestuurder met jin of twjee kôorden van 10 to 200 meit'rs lank. De luxe modellen met twjee kôorden kundje besturen, bevôorbeeld om te deuken of over de koppen te skeiren van de badgasten.
Vô me ne plakwoaier te speel'n eije wind nôdig en surtoe un grôte open plekke zondr electrikedroaden. Lik da die plekkn lankstom moeiliker te vindn zin komdje dikkens van oarmoe an de zjei eut.
't Skint dat ze 't word plakwaaier alljeine in Kortrik kennn en bevoarbild nie in Brugge, doa zeggn ze vlieger. An de kust klappen ze van 'n droake.
Plakwoaier es wok e skelwor in de coté van Kortrik, en da wil zeggn onnoazeleire of pierewoai, of jien die noa de wind droait lik ne windmeul'n.
