Papa Don't Preach
From Wikipedia
"Papa Don't Preach" is e liedje van Madonna en de twèède single van eur derde studio album True Blue (1986). 't Is uutgebrocht in de zomer van 1986 en bereikte nummer 1 in de hitliest'n van Amerika, Australië en Iengeland, woadat ook et bestverkochte nummer van 't joar was. Et lied wier geschreven deur Brian Elliot.
[bewerk'n] Informoatje
"Papa Don't Preach" is e liedje met als spreker e tienermeisje da an eur pa verteld da ze in verwachtieng is en da ze van plan is voe et kiend op te voed'n en groot te briengen. Typisch voe Madonna kwaamt er wère controverse over et liedje, omda et nogal e taboe oenderwerp was. Ze kreeg kritiek omda ze abortus ofkeurt. Nooit et Madonna eur do etwa van angetrokk'n.
Omda je in de videoclip de tieneroeders als twèè knappe, welstellende mesjn ziet, en gin orme mesjn, die ook tienerzwangerschapp'n meemak'n, kreeg ze lovende commentaren omda ze abortus ofkeurt, mo kritiek omda ze tienermoeders zogezeid ophemelde.
"Papa Don't Preach" trekt van geluud en structuur e bitje op Sam Harris' z'n liedje uut 1984, "Sugar Don't Bite". Ze is ton ook angeklaagd deur Donna Weiss en Bruce Roberts, de tekstschrievers.
De viool intro van et liedje wier als sample gebruikt in eur "Confessions On A Dance Floor"-album in et liedje Let It Will Be.
Kelly Osbourne makte ook e cover van et liedje, voe eur zangcarrière te behinn'n.
