Gazette van Detroit
From Wikipedia
De Gazette van Detroit is een twêewekelikse gazette uit Detroit in VS vo de Belgen die utgeweken zien noar Amerika nieuws over under voaderland te briengen. Het es de ênigste Belgische gazette in Amerika. Vandoage verzorg'n Gabriëlle Casteleyn, Martha Vandenbergh, en Margaret Roets d'artikels.
De gazette verschient nog twêewekeliks en eet een iploage van 1500 exemploaren. De latste joaren goat het nie zo goe mêer met de Gazette van Detroit omdat de mêeste lezers hêle oude menschn zin woavan dat de kinders gèn Vlams nie mêe kunn'n klapp'n.
[bewerk'n] Geschiedenisse
Ze werd in 1914 ipgericht deur Camille Cools omdat er in diene tid nogal vele Vloamingn woaren utgeweken naar de VS en dat de ol bestoande Belgische gazet'n in Frans waren.
[bewerk'n] Vlamse subsidies
Ip 11 december 2006 werd bekend da Vlams mininster Geert Bourgeois 12.500 euro aan de Gazette van Detroit gift. In 2005 luddige Ludwig Vandenbussche, correspondent vo de Gazette van Detroit in Vloanderen, d' alarmbelle. De gazette had dringend ves geld en bloed nôdig: de redactie was ôogbejoard, de advertentie-inkomst'n woaren dramatisch geminderd en 't oantal abonnees wos gezakt tot minder dan negenhonderd.
Vandenbussche, die in 't dagelijkse leevn politieman es, starttige een actie 1.000 Vlamingen X 10 euro, woarmee hij voldoende geld bij elkaar hoopte te krijgen vo gazette te kunn loat'n bestoan. Dankzie de subsidies van Bourgeois goat da nu verzekers nog een ende kunn deurn.
