Chikong
From Wikipedia
Ne chikong es een stik wit groensel dat op n'hele spesiale manier gekwjikt wordt.
Eerst wordt er chikorei gezaaid (familie van roodlof en andevie) en de wortels worden heôogst. Toan worden de wortels in bakken hezet, overdekt met eirde en ne doek zodasse in den doenker zitten. Achter 3 à 4 weken ester nieuw loaf geskoten: de chikong. Oatie te vele de kloarte zie, dan is ten gèsgroene.
Dienen chikong wordt verkocht als grondchikong en is den diersten. De hoekoapere versie, die veel minder bitter es, es op water gekwjikt (hydrokultuur). Roodlof heeft roa kropkes; salade van Verona.
Chicongs worden voaral gekwjikt in Belgie, Olland en Noord-Vrankrik. Bie oes zunder heel wa kleine chikongkweikerien.
Bereidingen:
- in stukskes gekapt gemingeld me mayonaise; ideoal me fritn
- gestoofd in beuter me ne hoen droai peper en note muskoat
- sloa me stikskes chikong, appels en roa bjèten, veldsla en ne klak vinaigrette
- chikongs in rollekes espe met puré: un echte Vloamse specialiteit
Voar de latste bereiding: chikongs koken, eutlekken, in espe rollen, overzoppen met un bechamelsause met veel koas, nog koas en chapelure derop en gratineren in den oven.
In Vloanderen klappen we van Chikongs of witloof, de Woalen van chicon, d'Ollanders van Witlof, en de Fransmans van endives. Da latste gift verwarring me de andevie (sloa) en doarom zoen ze t'wel ne kier chicorées durven noemen.