't Illig bloed
From Wikipedia
't Illig bloed es e relikwie in Brugge.
Deurda Brugge in de middelêeuwn zo’n belangrieke stad was, zien der in de stad stief veel relikwie’n verzameld. Eènen doavan is, volgens 't volksgeloof, ’t bloed van Jezus van Nazareth. Neffest un trekpliester voa de oendertduzenden toeristen ist oak nog oltid un object van religieuze anbiddinge.
Volgens de legende eet Diederik van den Elzas, graaf van Vlaan'dren, ’t illeg bloed in 1150 meegebrocht ut ’t illig land. Je zoet da van ze schonbroere, keunink Boudewijn III van Jeruzalem, gekregen en. Mo der zien eigenlik anwiezingen da de relikwie van ’t Illeg Bloed un schenkinge was van Boudewijn IX. Dat wos de Vlamsche graaf die up de 16ste meie 1204, achter de vierde kruustocht, keizer van Constantinopel gekroand wierd. In Constantinopel aan ze stief vele relikwie’n die te maken aan me ’t lien van Christus en die ollemoale verzameld lagen in ’t kiezerluk palies van Bucoleon. De maniere woarup da de bergkristallen koker geslepen is wiest er up da tie van Constantinopel afkomstig is. De reliekwië is nog oltid te bezichtigen in d' Illige Bloedbasiliek in Brugge. En nateurlik is ’t er oalle joare d' Illege Bloedprocessie.
Upmerkinge: ôok in Vormezeele ist er un relikwieë van ’t Illig Bloed.
