Jezus van Nazareth
From Wikipedia
Jezus van Nazareth wos e mens die leefde in Palestina van 't joar 1 toet 't joar 33. Oek ekend oender de noame 'Christus' (de Gezalfde).
[bewerk'n] Historisch
Vele is 't er nie bekend va Jezus. Moa volgens Flavius Josephus, e geschiedsschriever van de Romeinn ed er toch en mens bestoan in die streke en diejn tied die azo noemde. E wos populair want en adde vele volgelingn.
[bewerk'n] Geloof
- Voe de joden is Jezus geweune e profete, lik of dander vele woarn in die tied'n.
- Voe de christnn is Jezus vele mêer: 'n is de stichter en de centroale persôon va nunder godsdienst (Jezus Christus, de Gezalfde). Ze gelov'n da Jezus tegelik mens en goddelijk wos. E wos de zeune van Jozef, e schrienwerker, en Maria, e simpel mesejoenk. Volgens 't Christ'ndom wos Maria bevrucht deurn Eiligen Gêest. Zen 'echtn' voader is dus God.
[bewerk'n] Leven
- Jezus is gebôorn in e stalletje in Bethlehem (moa da stoa pertank ni in de Bibel), want Jozef en Maria woarn oenderweuge na 't stad voe de tellinge van de Romeinn.
- E wos stief verstandig, want op ze 12 stoegn ol te discuteern mè de schriftgelêerdn in de Tempel.
- Toen at'n 30 wos, ginkn weg van uus. En ad ol zêre 12 volgelingn die overol mèjgiegn. E predikte overol roend, e ze wôordn makn'den vele indruk; 't wos oek redelik revolutionair voe dien tied (in 't kort: leest de Bergrede).
- Jezus adde vieandn. Op d'êerste plekke de Romeinsche bezetter, want die kost'n gèn populaire figuurn verdroagen, benauwd da ze woarn da die mens 't volk zoud oproepn om te revolteern. Moar oek de Gêestelik'n overied van 't land wos teg'n Jezus: e tastte nunder gezag an.
- Utendelik ist'n ter dôod gebracht an 't kruus. E straffe die de Romeinn ollêne voe de grotste krapuuls reseveerndege.