Vittoria
From Wikipedia
| Vittoria | |
 |
|
| Muttu: | |
| Nomu ufficiali: | Vittoria |
|---|---|
| Pruvincia: | Rausa (RG) |
| Superfici: | 181,31 km² |
| Abbitanti: | 54.320 |
| Dinzitati: | 300 ab./km² |
| Cumuni cunfinanti: | Acati, Ciaramunti, Comisu, Rausa |
| CAP: | 97019 |
| Prifissu telefònicu: | +0932 |
Vittoria è na citati ca cunta quasi 60mila abbitanti. Stapi a 168 metri supra lu liveddu dû mari e u puntu cchiù autu è a 258 metri.
Ìndici |
[cancia] Storia
Vittoria nasci lu 24 aprili dû 1607 grazzî â cuntissa Vittoria Colonna Enriquez. A citati ntê primi tempi si sviluppa vicinu ô ciumi Ippari, ca scurri ntra na vallata ca tutt'oi veni chiamata "li cannavati", picchì china di canni. Si pò ricurdari macàri ca versu di la foci di stu ciumi, lucalitati Scugghitti ca è sempri dû cumuni di Vittoria, surgìa na culunia grica ca si chiamava "Kamarina". Stu ciumi nasci di tri surgenti: una a Voscurotunnu (Boscorotondo), na cuntrada vicinu ô paisi, una a funti Diana o Còmmisu e una ca stapi ntâ cuntrada Cifali.
[cancia] Architittura
A citati d'oi s'apprisenta cu na struttura urbanistica a scacchiera e tanti palazzi sunnu di stili Liberty. Li munumenti chiù mpurtanti di Vittoria sunnu : la chiazza dû Populu, unni c'è u Tiatru Cumunali ( ca è praticamenti, a lu nternu, na riproduzzioni nica dâ scala di Milanu ) e la Cresia dî Grazzî. Autru munumentu mpurtanti è a cresia di San Giuanni, ca è u patrunu prutitturi dâ citati.
[cancia] L'econumia
L'ecunumia di Vittoria è essenzialmenti agricula. La citati ospita lu cchiù mpurtanti mircatu all'ingrossu di ortofrutta di tutta l'Italia dû sud, e esporta ogni sorta di primizzî nta tuttu lu territoriu italianu e all'esteru.
[cancia] Lu sport
- Luca Marin è nu nataturi vitturisi di livellu nternazziunali. Ntô 2006 vinciu la midagghia d'oru all'Europei di Helsinki.
