Villarosa

From Wikipedia

Villarosa

Muttu:
Nomu ufficiali:	Villarosa
Pruvincia:	Enna (EN)
Superfici:	55 km²
Abbitanti:	5.521 (31-12-04)
Dinzitati:	104 ab./km²
Cumuni cunfinanti:	Alimena (PA), Bompietru (PA), Calascibetta, Castrugiuvanni, Santa Catarina
CAP:	94010
Prifissu telefònicu:	+0935

Villarosa è un cumuni di 5.683 abbitanti dâ pruvincia di Enna. Paisi agriculu, si trova ntô centru dâ Sicilia. A Villarosa si curtìvanu alivi, frummintu e minnuli, cosi ca si ponu apprizzari nnì la Festa di la Madonna di la Catina, ca si teni l'8 di sittèmmiru 'nnanzi la chisa "Madonna di la Catina", 1 km luntanu dû centru dû paisi. Macari stu paisi, a vistu partiri un saccu du genti pì curpa dâ disoccupazzioni ntô 1900. Li sò abbitanti hannu jutu nta tutti li cuntinenti, ma lu grossu jìu a finiri a Morlanwelz, paisi birgisi, giamillatu cù villarosa ntô 2005.

[cancia] Giografìa

Villarosa s'attrova a 523 m. s.l.m., ntra na conca ê pedi dû Munti Giurfu. Lu sò tirritoriu si trova mmenzu dî ciumî, lu Salsu( d'acqua salata) e lu Morellu (d'acqua duci). Chist'ùrtimu è affluenti di lu lacu artificiali (Lacu Morello o Villarosa) ca si trova a 5 km dû paisi.

(Fonti: wikipedia taliana)

Viduta panuràmica dû paisi

[cancia] Storia

Di principiu lu paisi avìa lu nomu di San Giacumu di Bombinettu. Ntô 1761 vinni canciatu in Villarosa in omaggiu a la pittrici Rosa Ciotti di Resuttanu, ca fici un particulari pianu rigulaturi( cu li strati perpinniculari) accittatu di l'abbitanti. L'attuali centru annascì pi mèritu di lu duca Placido Notarbartolo, nòbbili palermitanu, ntô 1762. Fu sempri centru ecunòmicu tantu attivu, speci ntô secùlu XIX, quannu si rapiru tanti mineri, du surfaru e sali potassici, ca s'attròvanu ,ntâ zona. Doppu lu cumuni addivintà autònumu. Pi quantu riguarda li munumenti, cci sunnu: la Chiesa Matri (1763) didicata a San Giacumu Maggiori(patronu di lu paisi); Palazzu S.Anna, Palazzu Ducali (ex risidenza di lu duca Notarbartolo); ex Cummentu di li Cappuccini, tutti fatti ntô secùlu XVIII. A la stazzioni di li trena (5 km), c'è lu Museu di l'Arti mineraria e civirtà cuntadina, unicu in Europa 'nta lu sù ggeniri, natu pi mèritu di lu capu stazzioni, Primo David, ca pi l'amuri di fari arristari aperta a stazzioni, cumincià a circari cimeli addumannanuli a paisani risidenti, e paisani ca si trasfireru a l'esteru. Sempri ntâ stazzioni, ca ntô pirìudu dî li mineri sirvìa pi traspurtari surfaru e sali, cc'è macari lu Cimeliu di l'acqui. (Fonti:wikipedia taliana)

[cancia] Evoluzzioni dimugràfica

[cancia] Cultura

In sustanza dui sù li nomi ca mèritanu minzioni: unu è chiddu dî lu scritturi Vincenzo De Simone,ca, nunustanti campau quasi pi tutta la sò vita a Milanu, purtau a Sicilia nta lu sò cori, e scrissi tanti lìrichi dialittali moltu apprizzati, comu Bellarosa e Terra Amurusa (didicati a Villarosa). L'àutru è Carlo Maria Falzone, ca fu nutaru assai ncignusu, picchì, oltri a scrìviri òpiri prufissiunali comu "Il dizionario del notariato", sprummentau un novu sistema di scrittura stenugràfica,un novu mitudu pi sunari a fisarmònica "a pianu", fici un carculaturi manùali e si ntirissau a na nova lingua 'ntirnazziunali, chiamata "IDO", di cui criau na speciali applicazzioni pi la lingua taliana. A lu paisi villarusanu, ha statu di ricenti ntitulata na canzuna, Villarosa, di Claude Barzotti, cantanti birgisi di chiari uriggìni siciliani, 'n capu dî classìfichi di lu sò paisi. (Fonti:Wikipedia 'taliana)