Naru
From Wikipedia
Naru | |
Muttu: | |
Nomu ufficiali: | Naro |
---|---|
Pruvincia: | Girgenti (AG) |
Superfici: | 207 km² |
Abbitanti: | 8.770 |
Dinzitati: | 42 ab./km² |
Cumuni cunfinanti: | Girgenti, Nissa (CL), Camastra, Campubeddu, Canicattì, Castrofilippo, Delia (CL), Favara, Licata, Palma di Montechiaro, Rivinusa, Summatinu (CL) |
CAP: | 92028 |
Prifissu telefònicu: | +0922 |
Naru è un cumuni di 8.770 abbitanti dâ pruvincia di Girgenti. Naru è situatu ncapu na cullina di 596 metri ncapu lu liveddu dû mari, sutta lu paisi cc'è na vallata ca si chiama Val Paradisu, e di ncapu lu paisi si pò vìdiri lu mari di mpacciu, ma anchi lu Muncibeddu e li Madunìi.
[cancia] Storia
La storia di Naru si cumpunni cu la liggenna, nnû sò tirritoriu si tròvanu tracci di abbitanti già dâ pristoria; la liggenna dici ca Naru fu funnata dî Giganti, antichi abbitatura di l'ìsula, mentri arcuni la idintìficanu cu l'antica "Camico", mìtica cità funnata pi Cocalo di Dedalu, l'architettu dû labbirintu di Crita, àutri vonnu attribbuiri la sò funnazzioni ê fìnici, mentri arcuni fonti pàrranu dâ funnazzioni di Naru comu na culonia dâ cità greca di Gela, cu lu nomu di "Agragas Jonicum" nnû 680 a.C., ottu anni doppu la funnazzioni dâ stissa Gela e cent'anni prima dâ funnazzioni di Girgenti, numinata "Agragas Doricum". Facirmenti, puru siddu era già abbitata nnâ pristoria e nnî sèculi pricidenti, lu paisi attuali fu funnatu di l'àrabbi ntô sèculu IX doppu Cristu e sutta lu duminiu di li Chiaramonti, nnû mediuevu, addivintau una di cità cchiù mpurtanti dâ Sicilia, tantu di èssiri una di tri cità, nzèmmula a Palermu e Missina, a putiri fari liggi. Addirittura lu mpiraturi Fidiricu II di Svevia cci desi lu tìtulu di Fulgentìssima.
[cancia] Naru oi
Oi Naru è un paisi chinu di munumenta suprattuttu d'età barocca tra li quali spìccanu lu Casteddu di Chiaramonti e lu Vecchiu Domu dû 1100 ca fu custruiutu 'n capu na vecchia muschea, tutti du sti munumenta foru numinati munumenta nazziunali. È visitatu abbituarmenti di tanti turisti ca vennu videmma pi tanti àutri munumenta, tipu la Chiesa Matri, la Chiesa dû SS. Sarvaturi, la Chiesa di San Francì, la Chiesa di Sant'Agustinu, la Chiesa di San Nicola, la Chiesa di Santa Catirina, lu Municipiu ca era un vecchiu cummentu, oltri ê grutti suttirrànî, ê catacommi e ô Castiddazzu ca è un pocu fora paisi. Nu 2005 a chiesa di San Francì fu numinata di l' UNESCO munumentu sìmmulu di paci e patrimoniu munniali di l'umanità. Lu paisi di Naru è unu di centri cchiù mpurtanti dû baroccu sicilianu, stili ca domina intra quasi tutti li chiesi dâ città. Poi veru mpurtanti pû paisi di Naru è la festa dû patronu, San Calò, viniratìssimu 'n tutta la Sicilia e 'n particulari a Naru unni cc'è lu sò santuariu cchiù mpurtanti e unni ogni annu lu 18 di giugnu si fa la festa 'n sò onuri cu la tìpica prucissioni dâ "stràula", na sorta di slitta ca veni trascinata dî fideli longu li strati dû paisi cu na corda di ducentu metri. La festa di S. Calò attira a Naru ogni annu fideli di tutti li parti dâ Sicilia e anchi di àutri nazzioni, suprattuttu li mmigrati a l'èstiru ca ogni annu tòrnanu pi rènniri omaggiu ô santu.