Ajuda:Primièrs passes
Un article de Wikipèdia, l'enciclopèdia liura.
Vesètz l'onglet modificar en naut de cada article ? Sus Wikipèdia, en clicant sus aqueste boton, podètz editar un article quand o desiratz, que siatz inscrich o pas.
Wikipèdia, qu'es aquò ?
Wikipèdia es una enciclopèdia liura, gratuita e multilinga que sètz invitat a i participar. Escriure un article o ne crear un novèl es tecnicament fòrça aisit e rapid. Vòstras modificacions seràn instantanèament visiblas e d'autres Wikipedians vendràn verificar vòstra modificacion. Aqueste tipe de sit Web cooperatiu es apelat un wiki.
Cossí pòt marchar aquò ?
De centenas d'internautas son de longa a melhorar la Wikipèdia occitanofòna, en far de milièrs de cambiaments per ora ; atal, aquesta enciclopèdia ven mai vasta, mai complèta e mai precisa cada jorn.
Totes los cambiaments d'un article son recensats sus una pagina d'istoric e sus la pagina de las modificacions recentas. Es totjorn possible de tornar a una anciana version d'un article e las contribucions inutilas o nosiblas son en general retiradas rapidament.
Cossí pòdi ajudar ?
Abans tot, siatz audacioses e començatz de contribuir uèi meteis! La simpla correccion d'una fauta d'ortografia es una contribucion utila e apreciada. Tot lo monde pòt participar. Aguetz sustot pas paur de far petar Wikipèdia o d'ajustar de contengut que siá inapropriat — se mestièr fa, d'editors mai experimentats seràn aquí per reparar e vos ajudar.
Nom d'utilizaire
Tot lo monde pòt contribuir a Wikipèdia, quitament los utilizaires anonimes, mas la majoritat dels editors an decidit de se crear un nom d'utilizaire pròpri. Perqué se crear un compte ? De se crear un compte permet al contributor la reconeissença de sas contribucions, de participar als vòts, d'aver una pagina personala... Per vos crear un compte, clicatz sus Crear un compte o se connectar. Quand serà fach, poiretz vos presentar sul Jornal dels novèls venguts.
| Benvenguda | Contribuir | Discutir | Paginas de seguir | Règlas | Wikipedians | Paginas meta |
Sintaxi Wikipèdia | Caractèrs especials | Accents | Colors | Los tablèus
|